ەرجان سول كۇنگى دەمالىسىن پايدالانىپ, اۋىل شەتىندەگى جاعاجايدا وتباسى مۇشەلەرىمەن بىرگە دەم الىپ جاتادى. كەنەت ول ىشقىنا ايعايلاپ, كومەك سۇراعان داۋىستى ەستيدى. كولدىڭ ورتاسىندا ءجۇزۋ بىلمەيتىن ورتا جاستاعى ادام مەن جاس بالا سۋدان باستارى ءبىر شىعىپ, ءبىر كىرىپ باتىپ بارا جاتادى. كومەك سۇراپ شىرقىراعان سونىڭ ايەلى ەكەن.
ەرجان قازيەۆ ەش ويلانباستان سۋعا قويىپ كەتىپ, جەدەل ءجۇزىپ بارىپ, الدىمەن مەكتەپ جاسىنداعى بالانى تاياز جەرگە شىعارىپ, سوسىن ءجۇزۋ بىلمەسە دە ءارى ماساڭ كۇيىندە بولسا دا سۋدىڭ تەرەڭىنە ۇمتىلعان ەركەكتى شاشىنان سۇيرەپ سۋدىڭ جيەگىنە شىعارعان.
ءسويتىپ مايور جۇمىس ۋاقىتىنان تىس, دەمالىستا جۇرسە دە مىندەتىنەن اينىماي ەكى ادامدى اجالدان الىپ قالدى.
سولتۇستىك قازاقستان وبلىسى
