فوتو: innovationcampus.ru
بۇگىندە ەلىمىزدە 8 مىڭنان استام مەكتەپ جۇمىس ىستەيدى. 1 قىركۇيەكتە 4,1 ملن وقۋشى, ونىڭ ىشىندە 341 مىڭ ءبۇلدىرشىن ءبىرىنشى سىنىپقا بارادى. 232 مىڭ وقۋشى 11-سىنىپقا اياق باسادى.
مينيستر جاڭا وقۋ جىلىنىڭ جاڭالىعى رەتىندە ءبىلىم بەرۋ ۇدەرىسىنە جي ەلەمەنتتەرى كەزەڭ-كەزەڭىمەن ەنگىزىلەتىنىن ايتتى.
2025-2026 وقۋ جىلىندا جي ينتەگراتسياسى «تسيفرلىق ساۋاتتىلىق» جانە «ينفورماتيكا» پاندەرىنەن باستالادى. بۇل باعىتتا ورتا ءبىلىم بەرۋ جۇيەسىندە جاساندى ينتەللەكتتى قولدانۋدىڭ ەتيكالىق ستاندارتتارى بەكىتىلگەن. وقۋشىلار ءۇشىن Day of AI ونلاين كۋرستارى, ال پەداگوگتەر ءۇشىن ءۇش دەڭگەيلى بىلىكتىلىكتى ارتتىرۋ كۋرستارى ازىرلەنگەن.
«مەملەكەت باسشىسىنىڭ تاپسىرماسى بويىنشا باسقارۋدىڭ جاڭا ستاندارتى ازىرلەنىپ, 3 مىڭنان استام پەداگوگتەر ءۇش دەڭگەيلى وقىتۋدان ءوتتى. اتالعان مودەل ءوز جۇمىسىن وسى جىلدىڭ قىركۇيەك ايىنان باستايدى», دەدى عاني بەيسەمباەۆ.
عاني بەيسەمباەۆ «كەلەشەك مەكتەپتەرى», جاڭا فورماتتاعى مەكتەپتەردى باسقارۋ ماسەلەسىن دە قوزعادى.
