فوتو: اشىق دەرەككوز
وبلىستىق پوليتسيا دەپارتامەنتى اكىمشىلىك پوليتسيا باسقارماسىنىڭ اعا ينسپەكتورى ەربولات جۇسىپقاليەۆتىڭ ايتۋىنشا, قارۋ اينالىمىنا باقىلاۋدى كۇشەيتۋ قاجەتتىگى تۋىنداپ وتىر.
«اتىس قارۋىنىڭ زاڭسىز اينالىمىنىڭ الدىن الۋ, ازاماتتىق قارۋ يەلەرىنىڭ جاۋاپكەرشىلىگىن ارتتىرۋ ماقساتىندا «مەرگەن», «قارۋ» جەدەل-پروفيلاكتيكالىق ءىس-شارالارى وتكىزىلدى. پوليتسيا قىزمەتكەرلەرى قارۋدىڭ زاڭسىز اينالىمىن انىقتاۋ, ساتىپ الۋ, تاسىمالداۋ ارنالارىنا توسقاۋىل قويۋ, تىركەلگەن قارۋدى ساقتاۋ, پايدالانۋ ءتارتىبىن تەكسەردى. اتىس قارۋىن زاڭسىز يەمدەنۋ, ساقتاۋ, تاسىمالداۋ جانە وتكىزۋگە قاتىستى 13, ازاماتتىق جانە قىزمەتتىك قارۋ اينالىمى قاعيدالارىن بۇزعاندارعا بايلانىستى 201 دەرەك انىقتالدى. قارۋدى تىركەۋ, قايتا تىركەۋ جانە ەسەپكە قويۋ ءتارتىبىن بۇزعان 67 ادام تىركەلدى. بۇل قارۋ اينالىمى سالاسىنداعى باقىلاۋدى كۇشەيتۋ قاجەتتىگىن كورسەتىپ وتىر», دەپ ءمالىم ەتتى ە.جۇسىپقاليەۆ.
