فوتو: Oqu-agartu ministrligi
باعدارلاما بالالاردىڭ ءال-اۋقاتى يندەكسىنىڭ قاعيداتتارى مەن حالىقارالىق جانە وتاندىق نورماتيۆتىك-قۇقىقتىق اكتىلەرگە سايكەس ازىرلەنگەن جانە بۋللينگكە قارسى كۇرەستەگى ۇزدىك حالىقارالىق تاجىريبەلەرگە سۇيەنەدى.
وقۋ-اعارتۋ مينيسترلىگىنىڭ مالىمەتىنشە باعدارلامانىڭ اپروباتسياسى ەلىمىزدىڭ 9 وڭىرىندەگى 50 مەكتەپتە جۇرگىزىلىپ, بۋللينگتىڭ الدىن الۋ جۇيەلەرى قۇرىلدى. اپروباتسيا ناتيجەسىندە ەڭ ءتيىمدى تاجىريبەلەر استانا, الماتى قالالارى مەن اباي, جامبىل وبلىستارى مەكتەپتەرىندە بايقالعان.
اتالعان مەكتەپتەردە شاعىم → تالداۋ → كومەك جوسپارى → قاداعالاۋ ۇلگىسى ءساتتى قولدانىلدى. بۇل پروتسەستە ارنايى انتيبۋللينگتىك توپتار مەن كەيىنگى باقىلاۋ شارالارى ىسكە قوسىلدى.
ء«بىز «دوسبولLIKE» باعدارلاماسىن بۋللينگتىڭ الدىن الۋداعى تۇراقتى قۇرال رەتىندە قاراستىرامىز. اپروباتسيا ناتيجەلەرى كورسەتكەندەي, مۇعالىمدەر, اتا-انالار مەن بالالاردىڭ بىرلەسكەن قاتىسۋ جانجالداسۋ دەڭگەيىن تومەندەتىپ, سەنىم مەن سىيلاستىق مادەنيەتىن قالىپتاستىرادى جانە مەكتەپ ورتاسىن اناعۇرلىم قاۋىپسىز ءارى قولايلى ەتەدى», دەپ اتاپ ءوتتى وقۋ-اعارتۋ مينيسترلىگىنە قاراستى بالالاردىڭ قۇقىقتارىن قورعاۋ كوميتەتىنىڭ توراعاسى ناسىمجان وسپانوۆا.
باعدارلاما اياسىندا مامانداردى اۋقىمدى دايارلاۋ كوزدەلگەن. قازىردىڭ وزىندە 2,5 مىڭنان استام پەداگوگ, پسيحولوگ جانە ءبىلىم بەرۋ جۇيەسىنىڭ قىزمەتكەرلەرى وقىتىلعان. جىل سوڭىنا دەيىن بۇل كورسەتكىشتى 8 مىڭنان استام مامانعا جەتكىزۋ جوسپارلانىپ وتىر.
