فوتو: قالا اكىمدىگى
اتالعان قالانىڭ ءبىلىم باسقارماسى باسشىسىنىڭ بۇيرىعىنا سايكەس, ءاربىر باعىت بويىنشا تەحنيكالىق جانە كاسىپتىك ءبىلىم بەرۋ ۇيىمدارى مەن بەيىندى وقىتۋدى جۇزەگە اسىراتىن جالپى ءبىلىم بەرەتىن مەكتەپتەر بەكىتىلدى.
جوباعا 7 جوو (ل.گۋميلەۆ اتىنداعى ۇلتتىق ەۋرازيا ۋنيۆەرسيتەتى, ق.قۇلاجانوۆ اتىنداعى قازاق تەحنولوگيا جانە بيزنەس ۋنيۆەرسيتەتى, س.سەيفۋللين اتىنداعى قازاق اگروتەحنيكالىق ۋنيۆەرسيتەتى, Astana IT University, «استانا» مەديتسينا ۋنيۆەرسيتەتى, م.تىنىشپاەۆ اتىنداعى اLT ۋنيۆەرسيتەتى, «استانا» حالىقارالىق ۋنيۆەرسيتەتى), استانانىڭ 21 كوللەدجى جانە 70 مەكتەبى قاتىسادى.
بەيىندى 8-11 سىنىپتاردا بارلىعى 2 892 ءبىلىم الۋشى قامتىلدى, ونىڭ ىشىندە كەلەسى باعىتتار بويىنشا:
- سەرۆيس (تاماقتاندىرۋدى ۇيىمداستىرۋ) – 25 سىنىپ اشىلدى, ءبىلىم الۋشىلار سانى – 545, ونىڭ ىشىندە مەملەكەتتىك تىلدە – 300, ورىس تىلىندە – 245.
- سەرۆيس (تەحنيكالىق قىزمەت كورسەتۋ) – 4 سىنىپ, ءبىلىم الۋشىلار سانى – 88, ونىڭ ىشىندە مەملەكەتتىك تىلدە – 58, ورىس تىلىندە – 30.
- ديزاين – 12 سىنىپ, ءبىلىم الۋشىلار سانى – 290, ونىڭ ىشىندە مەملەكەتتىك تىلدە – 80, ورىس تىلىندە – 210.
- تىگىن ءوندىرىسى – 13 سىنىپ, ءبىلىم الۋشىلار سانى – 316, ونىڭ ىشىندە مەملەكەتتىك تىلدە – 279, ورىس تىلىندە – 67.
- تەمىرجول كولىگى – 5 سىنىپ, ءبىلىم الۋشىلار سانى – 121, ونىڭ ىشىندە مەملەكەتتىك تىلدە – 91, ورىس تىلىندە – 30.
- IT – 9 سىنىپ, ءبىلىم الۋشىلار سانى – 156, ونىڭ ىشىندە مەملەكەتتىك تىلدە – 83, ورىس تىلىندە – 73.
- پەداگوگيكالىق – 50 سىنىپ, ءبىلىم الۋشىلار سانى – 1064, ونىڭ ىشىندە مەملەكەتتىك تىلدە – 919, ورىس تىلىندە – 145.
- مەديتسينا – 12 سىنىپ, ءبىلىم الۋشىلار سانى – 282, ونىڭ ىشىندە مەملەكەتتىك تىلدە – 158, ورىس تىلىندە – 124.
2025 جىلعى 1 اقپاندا كوللەدجدەر مەكتەپتەرمەن كەلىسىلگەن تاقىرىپتىق جوسپارلار ازىرلەدى. بەيىندى سىنىپتاردىڭ ءار باعىتىنا استانا قالاسىنىڭ ادىستەمەلىك ورتالىعىنىڭ جاۋاپتى ادىسكەرلەرى بەكىتىلدى. بەيىندى سىنىپتارداعى ساباقتاردى 170 ارنايى ءپان وقىتۋشىلارى مەن وندىرىستىك وقىتۋ شەبەرلەرى جۇرگىزەدى. ساباقتاردى وتكىزۋ فورمالارى: دارىستەر, شەبەر-سىنىپتار, ەكسكۋرسيالار, ترەنينگتەر, جوبالىق جۇمىستاردى قورعاۋمەن دوڭگەلەك ۇستەل, سلەت جانە باسقالار. بەيىندى سىنىپتاردىڭ جۇمىسىنا كوللەدجدەردىڭ الەۋمەتتىك سەرىكتەستەرى جۇمىلدىرىلعان. مونيتورينگ جۇرگىزۋ جانە ادىستەمەلىك كومەك كورسەتۋ ماقساتىندا بەيىندى سىنىپتارداعى ساباقتارعا قاتىسۋ, ءبىلىم الۋشىلار اراسىندا ساۋالناما جۇرگىزۋ كوزدەلگەن.
سونداي-اق, بەيىندى جۇمىسپەن ەرەكشە ءبىلىم بەرۋ قاجەتتىلىگى بار ءبىلىم الۋشىلاردا قامتىلعان. اتاپ ايتقاندا, كاسىپتىك باعدارلاۋ بويىنشا ساباقتان تىس قىزمەتتى ۇيىمداستىرۋ ماقساتىندا استانا قالاسىنىڭ ءار اۋداندارى بويىنشا پيلوتتىق مەكتەپتەر (№8,23,65,71,79,83,89,96) ىرىكتەلىنىپ الىنعان.
2023 جىلى اتالعان باعىتتاعى باعدارلاما قالالىق ساراپتامالىق كەڭەستە قارالىپ, بەكىتىلدى. مەكتەپتەردىڭ ماتەريالدىق تەحنيكالىق بازاسى ەسكەرىلە وتىرىپ, باعدارلامادا كورسەتىلگەن ۇيىرمەلەردى اشۋعا ەرەكشە ءبىلىم بەرۋ قاجەتتىلىگى بار ءبىلىم الۋشىلاردىڭ سانى انىقتالدى. №23, 83 مەكتەپتەردە «تىگىن ءىسى», «اسپاز ءىسى» ۇيىرمەلەرىن مەكتەپتىڭ شتاتتىق بىرلىگى نەگىزىندە جۇرگىزۋ مۇمكىندىگى بار, ال №65, 71, 96 مەكتەپتەردە قوسىمشا ۇيىرمە اشۋ ءۇشىن ساعاتتار م.وتەمىسوۆ اتىنداعى جانە ءال-فارابي اتىنداعى وقۋشىلار سارايى ەسەبىنەن الىندى جانە وسى اتالعان مەكتەپ بازاسىندا وتەدى.
بۇل ۇيىرمەگە 13 جاستان جوعارى ءارتۇرلى جاستاعى بالالار توپتاستىرىلعان. ۇيىرمەلەردى تەحنولوگيا جانە اسپازدىق كابينەتتەرىندە بەيىندى ءبىلىمى بار پەداگوگتار جۇرگىزەدى. ساباقتار كەستەگە سايكەس اپتاسىنا 2 رەت 2 اكادەميالىق ساعاتتان وتكىزىلەدى. توپتاردىڭ تولىمدىلىعى 6-7 ادامنان تۇرادى. ءبىلىم الۋشىلار بەيىنى بويىنشا باستاپقى ءبىلىم مەن داعدىلاردى يگەرەدى.
