جيىندا ءبىلىم بەرۋ مەكەمەلەرىندەگى تاربيە جۇمىسىنىڭ مازمۇنىن بايىتۋعا جانە ونىڭ ساپاسىن ارتتىرۋعا مۇمكىندىك بەرەتىن تاسىلدەر مەن ۇستانىمدار تالقىلاندى.
باسقوسۋدا وقۋ-اعارتۋ ءمينيسترى عاني بەيسەمباەۆ پەن ى.التىنسارين اتىنداعى ۇلتتىق ءبىلىم اكادەمياسىنىڭ باسشىسى ءنازيپا ايۋباەۆا بايانداما جاسادى.
مەملەكەتتىك كەڭەسشى پەداگوگتەردىڭ الداعى تامىز كەڭەسىندە مەكتەپتەردەگى تاربيە جۇمىسىن ودان ءارى جەتىلدىرۋگە ارنالعان تاقىرىپتىق الاڭدار ۇيىمداستىرۋدى تاپسىردى.
بۇل رەتتە ەرلان قارين تاربيە جۇمىسىنا جان-جاقتى قاراپ, مەملەكەت, مەكتەپ جانە اتا-انا بىرگە اتسالىسۋى قاجەت ەكەنىنە نازار اۋداردى. سوندا عانا بۇل جۇمىس تابىستى بولادى.
جيىن سوڭىندا مەملەكەتتىك ورگاندارعا بارلىق ءبىلىم بەرۋ مەكەمەلەرىنە ءبىرتۇتاس تاربيە باعدارلاماسىن ەنگىزۋ جۇمىسىن جالعاستىرۋ تۋرالى تاپسىرما بەرىلدى.
