ونىڭ ايتۋىنشا, بۇل باستاما مەملەكەت باسشىسىنىڭ تۇركيانىڭ جەتەكشى لوگيستيكالىق كومپانيالارىنىڭ ءبىرىنىڭ باسشىلىعىمەن وتكىزگەن كەزدەسۋىنىڭ قورىتىندىسى نەگىزىندە قولعا الىنۋدا.
– مەملەكەت باسشىسى لوگيستيكا سالاسىنداعى تۇركيالىق كومپانيا وكىلىن قابىلداپ, قازاقستاننىڭ كولىك-ترانزيت الەۋەتىن دامىتۋ بويىنشا ناقتى مىندەتتەر جۇكتەدى. وسىعان وراي, اقتوبە وڭىرىندە جاڭا كولىك-لوگيستيكا حابىن قۇرۋدى جوسپارلاپ وتىرمىز. بۇل جوبا ەلىمىزدىڭ باتىسىنداعى ينفراقۇرىلىمدىق مۇمكىندىكتەردى كەڭەيتىپ, وڭىرلىك جانە حالىقارالىق جۇك تاسىمالىنىڭ تيىمدىلىگىن ارتتىرۋعا سەپ بولادى, – دەدى نۇرلان جاقىپوۆ.
اتالعان جوبا قازاقستان مەن تۇركيا اراسىنداعى ستراتەگيالىق ارىپتەستىكتى تەرەڭدەتىپ, كولىك دالىزدەرىن ارتاراپتاندىرۋعا, سونداي-اق ورتا ءدالىز – ترانسكاسپي حالىقارالىق كولىك باعىتى اياسىنداعى جۇك اعىندارىن ۇلعايتۋعا مۇمكىندىك بەرەدى.
جوبا اياسىندا تەمىرجول جانە اۆتوكولىك ينفراقۇرىلىمىن دامىتۋ, زاماناۋي قويما كەشەندەرىن سالۋ جانە كەدەندىك راسىمدەردى جەڭىلدەتۋ كوزدەلىپ وتىر.
«سامۇرىق-قازىنا» قورى بۇل باستامانى تۇركيامەن بىرلەسىپ جۇزەگە اسىرۋعا نيەتتى ەكەنىن اتاپ ءوتتى.
