فوتو: Freepik
كوپشىلىگىمىزگە مەكتەپ تاقتاسى قارا نە قىزعىلت-قوڭىر ءتۇستى بولۋ كەرەك سەكىلدى سەزىلەدى. سەبەبى حح عاسىردىڭ باسىندا مەكتەپ تاقتالارى ءۇشىن وسى تۇستەر تاڭدالعان بولاتىن. اعاشتان جاسالعان مەكتەپ بۇيىمى قارا لاكپەن بويالاتىن.
دەسە دە 1960 جىلداردان بەرى الەم ەلدەرىندەگى ءبىلىم وشاقتارىندا جاسىل ءتۇستى تاقتالار قولدانىسقا ەنىپ جاتتى. بۇل قادام عىلىم مەن پەداگوگيكا سالاسىنىڭ قارا ءتۇستىڭ وقۋشى دەنساۋلىعىنا زيانى بار ەكەنىمەن بايلانىستى ەدى.
جانعا جايلى - جاسىل ءتۇس
زەرتتەۋلەرگە سۇيەنسەك, ادام كوزىنە, جانىنا ەڭ جايلى ءتۇس - جاسىل. بۇل ءتۇس كوزدى تالدىرمايدى, ۇزاق ۋاقىت قاراسا دا زەيىننىڭ شاشىراۋىنا جول بەرمەيدى. سونداي-اق قارا تاقتاعا قاراعاندا جاسىل تاقتامەن اق ءتۇستى بور ۇيلەسىمى دە ۇزدىك. قارا مەن اقتىڭ كونتارستى كوزدى شارشاتسا, جاسىل ءتۇس كەرىسىنشە كوزگە كۇش تۇسىرمەيدى. تاقتاعا ءتۇس تاڭداۋداعى جاسىل ءتۇس ەستەتيكا نەمەس سۇلۋلىق قانا ەمەس ادامنىڭ ەموتسياسىنا وڭ اسەر ەتۋ. سونداي-اق وقۋشىنىڭ اقپاراتتى جەڭىل قابىلداۋىنا دا اسەر ەتەدى.
تەحنولوگيا قارىشتاعان تۇستا مەكتەپ تاقتالارىنىڭ ماتەريالدارى دا وزگەردى. قازىر تاقتالار بۇرىنعىداي اعاش پەن لاكتان ەمەس, ارنايى كەراميكادان, بولات نەگىزدى ەمالدان جاسالىپ ءجۇر. بۇل ماتەريالدار بوردىڭ جاقسى كورىنۋىنە جانە وڭاي وشۋىنە ىقپال ەتەدى. جاسىل ءتۇستى تاقتانىڭ زاماناۋي ۆيزۋالدى ستاندارتتارعا ساي ەكەنىن دە اتاپ وتكەن ءجون.
