ءىس-شاراعا ورال قالالىق ءماسليحاتىنىڭ دەپۋتاتتارى, جەرگىلىكتى اتقارۋشى ورگاندار وكىلدەرى, جوعارى وقۋ ورىندارىنىڭ باسشىلىعى جانە دەپارتامەنتتىڭ جەكە قۇرامى قاتىستى.
قازاقستان پرەزيدەنتى ءوز سوزىندە: «ەگەر ءبىز قازاقستاندى بولاشاقتا دامىعان ەلدەردىڭ قاتارىنان كورگىمىز كەلسە جانە شەتەلدىك ينۆەستيتسيا تارتۋدى كوزدەيتىن بولساق, ەلىمىزدە زاڭ مەن ءتارتىپتىڭ ساقتالۋى باستى باسىمدىققا اينالۋى ءتيىس», – دەپ اتاپ وتكەن بولاتىن. قۇقىقتىق ءتارتىپتى قامتاماسىز ەتۋ باعىتىندا مەملەكەت باسشىسى جۇكتەگەن ناقتى تاپسىرمالاردى ورىنداۋ – ەلدىڭ تۇراقتى دامۋى مەن حالىقارالىق بەدەلى ءۇشىن ماڭىزى زور ەكەنى جيىندا باسا ايتىلدى.
كەزدەسۋ كەزىندە ءماجىلىس دەپۋتاتى ابزال قۇسپان ىشكى ىستەر ورگاندارى قىزمەتكەرلەرىنە قازاقستان رەسپۋبليكاسىنىڭ قىلمىستىق كودەكسىنە ەنگىزىلگەن جاڭا وزگەرىستەردى تانىستىردى. اتاپ ايتقاندا, ستالكينگ (قۋدالاۋ), دروپپەرلىك (الاياقتىقتىڭ جاڭا ءتۇرى) جانە ءماجبۇرلى نەكە قيۋ ارەكەتتەرى ءۇشىن قىلمىستىق جاۋاپكەرشىلىك كوزدەلگەنى جونىندە اقپارات بەردى. سونداي-اق قىلمىستىق زاڭنامانى وڭتايلاندىرۋ اياسىندا قىلمىستىق كودەكستىڭ بىرقاتار بابىنا وزگەرىس ەنگىزىلگەنى دە اتاپ ءوتىلدى.
جيىن سوڭىندا دەپۋتات جەكە قۇرام وكىلدەرىنىڭ ءتۇرلى ساۋالدارىنا جاۋاپ بەردى.
باتىس قازاقستان وبلىسى
