Design Educates Awards – ساۋلەت ديزاينى سالاسىنداعى بەدەلدى ماراپاتتاردىڭ ءبىرى. ساۋلەتشى راۆيل نۇرعيسا جاساعان زاماناۋي كيىز ءۇي ۇزدىك ارحيتەكتۋرالىق جوبا رەتىندە باعالانىپ, ونىڭ مادەني قۇندىلىعىنا ءمان بەرىلگەن.
ءوز جۇمىسىندا ساۋلەتشى ۇلتتىق ءداستۇر مەن زاماناۋي يدەيالاردىڭ ۇيلەسىمىن ايشىقتاۋعا, كوشپەلىلەردىڭ ءداستۇرلى شاڭىراعىن زاماناۋي ەكولوگيالىق تەحنولوگيالارمەن بارىنشا ۇيلەستىرۋگە تىرىسقان. ىقشام ءارى ىڭعايلى كيىز ءۇيدىڭ اۋدانى 25 شارشى مەتردى قۇرايدى. شاعىن ۇيدە اس ءىشۋ, جاتىن ورىندارى, جۇمىس ىستەۋ جانە گيگيەنالىق بولمە بار. جينالمالى جيھازدار ءبىر ساتتە ءۇيدىڭ ىشىنە ءسان بەرىپ تۇرسا, قاجەت جاعدايدا جيناستىرىپ, بوس كەڭىستىكتى بارىنشا پايدالانۋعا بولادى.
زاماناۋي تەحنولوگيالارمەن جابدىقتالعان قازاق ۇيدە سۋدى بيولوگيالىق تازارتۋ جۇيەسى قوندىرىلعان. قوزعالمالى تەلەسكوپتىق پانەلدەر ارقىلى اۋا رايىنىڭ قۇبىلمالى كەزىندە ءۇيدىڭ قابىرعاسى مەن توبەسىن اشىپ, جابۋعا بولادى. كۇن باتارەيالارىنان 5,3 كۆت ەنەرگيا تارايدى. بۇل تۇرمىستىق تەحنيكالاردى ءتيىمدى پايدالانۋعا ىڭعايلى.
الماتى
