فوتو: سۋ رەسۋرستارى جانە يرريگاتسيا مينيسترلىگى
ءوڭىر ديقاندارى سالا مينيسترلىگى مەن «قازسۋشاردىڭ» جەرگىلىكتى فيليالىنا العىس ءبىلدىردى.
«سۋدى ۋاقىتىلى بەرگەندىكتەن, قاربىزىمىزدى دەر كەزىندە سۋارىپ ۇلگەردىك. قازىر استانا, قاراعاندى, الماتى جانە باسقا قالالارعا ءونىمىمىزدى جونەلتىپ جاتىرمىز. سۋ بەرۋ ماسەلەسىن باقىلاۋدا ۇستاعانى ءۇشىن سۋ رەسۋرستارى جانە يرريگاتسيا مينيسترلىگىنە العىسىمىزدى بىلدىرەمىز», دەدى ديقان تالعات تويشىبەكوۆ.
«قاربىز ەكتىك, جاقسى ءونىم الدىق. سۋ شارۋاشىلىعى ماماندارى مەن ديقانداردىڭ بىرلەسكەن جۇمىسىنىڭ ارقاسىندا سۋ ۋاقىتىندا جەتكىزىلىپ, ناتيجەسىندە مول ءونىم الدىق», دەپ اتاپ ءوتتى ەرلان قوشتاەۆ.
مينيسترلىكتىڭ مالىمەتىنشە «قازسۋشاردىڭ» جامبىل فيليالى جەرگىلىكتى شارۋالارمەن سۋ جەتكىزۋ بويىنشا 3852 كەلىسىمشارت جاساسقان. بۇگىندە شامامەن 61 مىڭ گەكتار ەگىس القابى سۋارىلىپ, 512 ملن تەكشە مەتردەن استام سۋ بەرىلگەن. بۇل رەتتە سۋ تەك ءتيىستى كەلىسىمشارت بولعان جاعدايدا عانا جەتكىزىلەدى.
