قىراعى شەكاراشىلار قىر اسىرمادى

ۇلتتىق قاۋىپسىزدىك كوميتەتىنىڭ مالى­مەتى بويىنشا, اباي وبلىسى اۋما­عىنداعى شەكارالىق باقىلاۋ بولىم­شە­لەرى ماۋسىم ايىندا بىرنەشە زاڭ بۇزۋ­شى­لىقتى انىقتاپ, قىل­مىس­تىق ىستەردى بول­دىر­ماعان. ماسەلەن, 15 ماۋ­سىمدا «اۋىل» اۆتو­مو­بيلدىك شەكا­را­­لىق باقىلاۋ ءبولىمىنىڭ شەكا­را­شىلارى ءيىس­­شىل ءيتتىڭ كومەگىمەن رەيستىك اۆتوبۋسپەن رەسەيگە بەت العان قازاق­ستان ازاماتىنىڭ جۇ­گى­نەن جاسىل ءتۇستى, ەرەك­شە ءيىستى, وسىمدىك تەك­تەس زات – شامامەن 5 گرامم ماريحۋانا تار­كى­لەگەن.

ىشكى ىستەر مينيسترلىگىنىڭ دەرەگىنشە, ەلىمىزدە جىل باسىنان بەرى مۇنداي 4 مىڭ توننا ەسىرتكى تاركىلەنگەن بولسا, سونىڭ بىرقاتارى اباي وبلىسىنىڭ شەكارا قىز­مەتىنىڭ ەڭبەگى ەكەن. بۇل ورايدا ماۋسىم ايىندا باستالعان «قاراسورا» جەدەل-الدىن الۋ ءىس-شاراسى دا ەسىرتكىمەن كۇرەسكە وڭ سەپتىگىن تيگىزىپ, اباي وبلىسىنداعى ءىرى ىشكى ەسىرتكى ارناسى جويىلدى. «قاراسورا» وپەراتسياسى ماۋسىمنىڭ 1-ىنەن قازاننىڭ 31-ىنە دەيىن جالعاسادى.

ال 13 ماۋسىمدا اباي شەكاراشىلارى زاڭسىز ۆاليۋتا الىپ ءوتۋ ارەكەتىنە دە توسقاۋىل قويدى. رەسەي ازاماتى ەلىمىزدەن 1 386 833 رۋبل (8,3 ملن تەڭگەگە جۋىق) كولەمىندە قولما-قول اقشانى زاڭسىز الىپ وتپەك بولعان. بۇل سوما رۇقساتتى مولشەردەن 3 ملن تەڭگەدەن ارتىق. زاڭدى بەلدەن باسقان ازامات مەملەكەتتىك شەكارادان وتكىزىلمەي, ۋاكىلەتتى ورگاندارعا تاپسىرىلدى. بۇعان قوسا 17 ماۋسىمدا شەكارا قىزمەتى قوس ازاماتتىق فاكتىسىن انىقتاعان. رەسەي ازاماتىنىڭ قوس ازاماتتىعى بار ەكەنى انىقتالىپ, قازاقستان شەكاراسىنان وتكىزىلمەدى. ونىڭ ءىسى سەمەي قالاسىنىڭ كوشى-قون قىزمەتى پوليتسياسىنا بەرىلدى.

سونىمەن قاتار شەكارا قىزمەتى مەن كوشى-قون زاڭىنىڭ بۇزىلۋىنا قاتىستى بىرنەشە قىلمىستىق ارەكەت انىق­تال­عان. 13 ماۋسىمدا موڭعوليا ازاماتى ەلدە تىر­كەۋسىز 50 كۇن جۇرگەنى ءۇشىن سوت شە­شى­مى­مەن 5 جىلعا ەلدەن شىعارىلسا, 16 ماۋ­سىمدا قىتاي ازاماتى تىركەۋسىز جۇرگەنى ءۇشىن ەسكەرتۋ الدى. 17 ماۋسىمدا تاجىكستان ازا­ما­تى ەلدە تىركەۋسىز 84 كۇن جۇرگەنى ءۇشىن ايىپپۇل سالىنىپ, شەكارادان وتكىزىلمەدى.

ەل شەتىن كىرپىك قاقپاي كۇزەتەتىن شە­كاراشىلاردىڭ ەڭبەگى مول ەكەنى داۋ­سىز. ەل قورعاندارى شەكارا شەبىن بەرىك كۇزە­تىپ, جۇيەلى جۇمىسىن جالعاستىرا بەرمەك.

اباي وبلىسى