فوتو: Oqu-agartu ministrligi
جوبا اياسىندا اۋىلدىق ينفراقۇرىلىمعا ەرەكشە نازار اۋدارىلىپ وتىر: پايدالانۋعا بەرىلگەن مەكتەپتەردىڭ 40%-دان استامى اۋىلدىق جەرلەردە ورنالاسقان. وقۋشىلار سانىنا بايلانىستى مەكتەپتەر 300 ورىننان 2 500 ورىنعا دەيىن ەسەپتەلىپ سالىنادى – بۇل جوبالاۋدا ناقتى قاجەتتىلىكتەردى ەسكەرۋ قاعيداتىنا نەگىزدەلگەن.
وقۋ-اعارتۋ مينيسترلىگىنىڭ ءباسپاسوز قىزمەتىنىڭ مالىمدەۋىنشە گەوگرافيالىق ورنالاسۋىنا قاراماستان شالعاي ەلدى مەكەن بولسا دا, قالا بولسا دا بارلىق مەكتەپتەر بىرىڭعاي جوعارى ستاندارتتارعا ساي سالىنادى. ارحيتەكتۋراسى, ينجەنەرلىك شەشىمدەرى مەن وقۋ ورتاسى قازىرگى زامان تالابىنا تولىق سايكەس كەلەدى جانە ەلىمىزدە ءبىرتۇتاس ءبىلىم كەڭىستىگىن قالىپتاستىرۋعا ىقپال ەتەدى.
جاڭا مەكتەپتەردە وقۋشىلاردىڭ قاجەتتىلىكتەرىنە باعىتتالعان ىڭعايلى, قاۋىپسىز جانە ەرگونوميكالىق ءبىلىم بەرۋ كەڭىستىگى جاسالعان. عيماراتتار بۇرىنعى ستاندارتتارمەن سالىستىرعاندا 15-20% كەڭ, ال تەحنيكالىق جابدىقتالۋى 4 ەسە ارتىق. بارلىق مەكتەپتەر زاماناۋي جيھازبەن جانە وقۋ قۇرالدارىمەن تولىق قامتاماسىز ەتىلگەن, قاۋىپسىزدىك شارالارى كۇشەيتىلگەن, باستاۋىش جانە جوعارى سىنىپ وقۋشىلارىنا ارنالعان بولەك بلوكتار قاراستىرىلعان.
