فوتو: gov.kz
قارجىلىق مونيتورينگ اگەنتتىگىنىڭ شقو-داعى دەپارتانمەنتى اۋەجاي باسشىلىعىنا قاتىستى قىزمەتتىك وكىلەتتىكتەرىن اسىرا پايدالانۋ, اسا ءىرى كولەمدە سەنىپ تاپسىرىلعان م ۇلىكتى يەمدەنۋ جانە قىلمىستىق جولمەن الىنعان قاراجاتتى زاڭداستىرۋ فاكتىلەرى بويىنشا تەرگەۋ جۇرگىزدى.
تەرگەۋ بارىسىندا اۋەجاي باسشىلىعىنىڭ ەڭبەكاقىنى نەگىزسىز كوبەيتىپ, جالعان سىياقىلار مەن جالعان شارتتار جاساۋ ارقىلى جۇيەلى تۇردە اقشا جىمقىرعانى بەلگىلى بولدى. كۇدىكتىلەر جىمقىرىلعان قارجىنى كاسسا ارقىلى قولما-قول اقشاعا اينالدىرعان.
وسىلايشا ولار مەملەكەتكە 157 ملن تەڭگە زالال كەلتىرگەن. سونىمەن قاتار, قوعامنىڭ كوممەرتسيالىق نىسانداردىڭ جالداۋ اقىسىن تومەندەتىپ, ناقتى جالعا بەرىلگەن اۋماقتى ازايتىپ كورسەتكەنى انىقتالدى. مەكەمەگە تيەسىلى كولىكتەر دە بۋحگالتەرلىك ەسەپتەن شىعارىلىپ, نارىقتاعى قۇنىنان بىرنەشە ەسە تومەن باعامەن سەنىمدى تۇلعالارعا ساتىلىپ كەتكەن.
سوت سانكتسياسىمەن كۇدىكتىلەردىڭ 126 ملن تەڭگە كولەمىندەگى مۇلكىنە, 4 پاتەر, جەر ۋچاسكەسى جانە 2 اۆتوكولىكتى پايدالانۋعا تىيىم سالىنىپ, كۇدىكتىلەر قاماۋعا الىنعان.
