اينالاعا قاراپ, جان-جاعىنا الاڭداپ كەلە جاتقان جازۋشى كەنەت ساپارلاستارىنان قالىپ قويعانىن ءبىر-اق ءبىلدى. جازۋشى قاۋپالاقتادى دا قالدى. ءارى-بەرى جۇگىرگىشتەدى. ساپارلاستارى قارا ءۇزىپ كەتىپتى. زىم-زيا. اندا-مىندا بارعىشتادى. وتانداستارىنىڭ بىردە-ءبىرىن كەزدەستىرە المادى. تۇيەدەي قىلىپ تاستاپ كەتكەنىنە قاپالاندى. بىراق ولار تاستاپ كەتتى مە, الدە ءوزى قالىپ قويدى ما؟ ءاي, وسى شەتەل ساپارى-اي, از ۋاقىتقا كەلەسىڭ دە, جىن قۋعانداي جۇگىرىپ جۇرگەنىڭ...
قاۋپالاقتاعان ءسابيت «قازاق», «قازاق» دەپ ءۇن قاتسىن اينالاسىنا. ەشكىم نازار اۋدارمايدى, نازار اۋدارعانى قازاق جازۋشىسىنىڭ نە دەپ تۇرعانىن تۇسىنبەيدى. شەتەلدە بۇكىل كەڭەس وداعىن «رەسەي» دەيدى دە قويادى.
كەنەت ءسابيت مۇقانوۆتىڭ ەسىنە ەسىمى شەتەلدە دۇرىلدەپ شىعىپ تۇرعان اقىن جاكەسى ءتۇسىپ كەتتى. ء«بىر بىلسە, سونىڭ ەسىمىن بىلەر بۇلار!». جالما-جان جازۋشى: «جامبىل, جامبىل. مەن – جامبىل», دەپ ايقاي سالسىن.
انادايدان بىرەۋ بۇرىلىپ كەلىپ, «روسسيا, روسسيا», دەدى.
مىناۋ جۋان سارى ادامنىڭ كەڭەس وداعى ازاماتى ەكەنىن ءبىلىپ, ەلشىلىككە اكەلىپ سالىپتى. كەزىندە قازاق اتىنا جۇرگەن قايران جاكەڭ...
قۇلبەك ەرگوبەك,
ادەبيەت سىنشىسى
