ءمينيستردىڭ ايتۋىنشا, بۇگىندە ەڭبەك قاتىناستارى تسيفرلىق فورماتتا جۇرگىزىلەدى. ال ەڭبەك ءوتىلى بىرىڭعاي ەسەپ جۇيەسىندە تىركەلگەن ەلەكتروندى ەڭبەك شارتتارى مەن زەينەتاقى جارنالارى ارقىلى ەسەپتەلەدى.
«ەڭبەك كىتاپشاسى – ەسكىرگەن قۇجات. قازىر ونىڭ قاجەتى جوق. قالاعان ادام ەستەلىك رەتىندە ساقتاپ قالا الادى, بىراق زاڭ بويىنشا ول تالاپ ەتىلمەيدى», دەدى سۆەتلانا جاقىپوۆا.
جاڭا ءتارتىپ بويىنشا جۇمىسقا ورنالاسۋ ءۇشىن ەلەكتروندى ەڭبەك شارتى جەتكىلىكتى. ەگەر زەينەتاقى جارنالارى تۇراقتى اۋدارىلسا, ەڭبەك ءوتىلى اۆتوماتتى تۇردە ەسەپكە الىنادى.
مينيسترلىك بۇل وزگەرىس ەڭبەك قاتىناستارىن جەڭىلدەتىپ, قاعازباستىلىقتى ازايتۋعا جانە تسيفرلىق قىزمەتتەردىڭ ساپاسىن ارتتىرۋعا باعىتتالعانىن اتاپ ءوتتى.
