تۋريزم جانە سپورت مينيسترلىگىنە قاراستى ويىن بيزنەسى جانە لوتەرەيانى رەتتەۋ كوميتەتىنىڭ توراعاسى ادىلەت تۇرعانباەۆتىڭ ايتۋىنشا, بەج ىسكە قوسىلعاننان كەيىن تەك رەسمي تۇردە تىركەلگەن بۋكمەكەرلىك كەڭسەلەر مەن كازينولاردىڭ سايتتارىنا رۇقسات بەرىلىپ, قالعاندارى اۆتوماتتى تۇردە بۇعاتتالادى.
ء«بىز زاڭدى بۋكمەكەرلەر مەن كازينولاردان باسقا بارلىق سايتتاردى بۇعاتتايمىز. تەك ولار عانا «اق تىزىمگە» ەنەدى. قالعاندارىنىڭ ءبارى اۆتوماتتى تۇردە بۇعاتتالادى. جۇيە سايتتاردىڭ مازمۇنىن, كىلتسوزدەرىن, ترافيگىن تالدايدى, سكرينشوتتار جاسايدى, بەينەجازبا جۇرگىزەدى جانە دالەل بازاسىن جينايدى. قازىر ءبىز جىلىنا 20 مىڭ زاڭسىز ويىن سايتىن بۇعاتتايمىز, ال بەج ىسكە قوسىلعاننان كەيىن بۇل كورسەتكىش كۇنىنە مىڭ سايتقا دەيىن جەتۋى مۇمكىن», دەدى ول.
ادىلەت تۇرعانباەۆتىڭ ايتۋىنشا, مۇنداي كولەمدە جانە جىلدام بۇعاتتاۋ شارالارى كولەڭكەلى ويىن بيزنەسىن جۇرگىزۋدى پايداسىز ەتەدى.
ء«بىز ولاردىڭ قازاقستاندىق نارىقتا بولۋىن ەكونوميكالىق تۇرعىدان ءتيىمسىز ەتەمىز. ولار شىداماي, ناتيجەسىندە نارىقتان كەتۋگە ءماجبۇر بولادى», دەدى كوميتەت توراعاسى.
باس پروكۋراتۋرا وكىلى ماقسات وراقباەۆ ءوز سوزىندە زاڭدى ويىن بيزنەسىنىڭ وزىندە سالىقتان جالتارۋ دەرەكتەرى بارىن ەسكە سالدى.
«الماتىداعى ءۇش بۋكمەكەرلىك كەڭسەنىڭ اينالىمى 400 ميلليارد تەڭگەنى قۇرادى. ال جالتارۋ سوماسى — 113 ميلليارد. بۇل اقشاعا 25 مەكتەپ نەمەسە 25 اۋرۋحانا سالۋعا بولادى», دەدى م.وراقباەۆ.
وراقباەۆتىڭ ايتۋىنشا, بەج زاڭدى بيزنەس وكىلدەرى ءۇشىن قوسىمشا كەدەرگى ەمەس, كەرىسىنشە – سالىق پەن ەسەپ جۇرگىزۋدى جەڭىلدەتەتىن, تەكسەرىستەردى ازايتاتىن قۇرال. سەبەبى بارلىق وپەراتسيالار مەن مالىمەتتەر اۆتوماتتى تۇردە مەملەكەتتىك باقىلاۋ جۇيەسىنە ءتۇسىپ وتىرادى.
قر قارجىلىق مونيتورينگ اگەنتتىگىنىڭ پرەۆەنتسيا باسقارماسى باسشىسىنىڭ ورىنباسارى داۋرەن م ۇلىكوۆ بۋكمەكەرلىك كەڭسەلەردىڭ كەي جاعدايلاردا قىلمىستىق جولمەن الىنعان قاراجاتتى زاڭداستىرۋ قۇرالىنا اينالىپ وتىرعانىن جەتكىزدى.
«ەسىرتكى ساتۋشىلار ءوز كىرىستەرىن بۋكمەكەرلىك كەڭسەلەر ارقىلى زاڭداستىرادى. مىسالى, قاراعاندى وبلىسىندا ا. دەگەن ازامات بۋكمەكەرلىك كەڭسەلەر ارقىلى ەسىرتكى ساتۋدان تۇسكەن تابىستى زاڭداستىرعان. سونداي-اق, ءبىز Telegram-كانالداردا ەسىرتكى ءۇشىن بۋكمەكەرلىك كەڭسەلەردىڭ شوتتارىنا قاراجات اۋدارۋ ارقىلى تولەۋ ۇسىنىلعانىن انىقتادىق», دەدى د.م ۇلىكوۆ.
بەج ەنگىزىلگەننەن كەيىن مۇنداي زاڭسىز سحەمالارعا توسقاۋىل قويىلادى. جۇيە ويىنشىلاردىڭ كىرىسى مەن شىعىسىن سالىستىرىپ, سايكەسسىزدىكتەردى اۆتوماتتى تۇردە تىركەيدى.
سپيكەرلەردىڭ پىكىرىنشە, بەج ويىن بيزنەسىندەگى جاعدايدى تۇبەگەيلى وزگەرتەدى: زاڭدى كومپانيالار ايقىن ءارى ءادىل ەرەجەلەر بويىنشا جۇمىس ىستەپ, تۇتىنۋشىلاردىڭ قۇقىقتارى قورعالادى, ال زاڭسىز وپەراتورلار جۇيەدەن تولىقتاي شەتتەتىلەدى.
