فوتو: Primakov\shutterstock
ۇلتتىق بانك باسشىسى قازاقستاندىقتارعا مەملەكەتتىك يپوتەكالىق باعدارلامالاردى پايدالانۋدى ۇسىندى.
ونىڭ ايتۋىنشا قازىرگى بازالىق مولشەرلەمە كەزىندە نارىقتىق يپوتەكا حالىقتىڭ قالتاسىنا اۋىرتپالىق تۇسىرەدى. بازالىق مولشەرلەمە 16,5%-دان جوعارى بولعان كەزدە يپوتەكالىق مولشەرلەمە 20%-دان جوعارىلايدى. بۇل - وراسان ارتىق تولەم. سوندىقتان ءبىرىنشى حالىقتىڭ تولەم قابىلەتىنە نازار اۋدارىلۋى كەرەك.
وسىنى ەسكەرە كەلە قارجى نارىعىن رەتتەۋ اگەنتتىگى يپوتەكا بويىنشا پايىزدىق مولشەرلەمەنى 20% -عا دەيىن شەكتەۋدى ۇسىندى. بۇل يدەيانى ۇلتتىق بانك قولدادى.
«نە وزگەرۋى مۇمكىن؟» دەگەن ساۋالعا ازىرگە ناقتى جاۋاپ جوق. بىراق جاڭا شارتتار قايتا قارالىپ جاتىر. ونىڭ ىشىندە - ەڭ تومەنگى باستاپقى جارنانى ارتتىرۋ جانە قارىز الۋشىنىڭ تابىسىن قاتاڭ تەكسەرۋ تالاپتارى بار.
ۇلتتىق بانك بازالىق مولشەرلەمە مەن كوممەرتسيالىق يپوتەكا پايىزى اراسىنان حالىقتىڭ قالتاسى كوتەرە الاتىن بالانستى تابۋعا ۋادە بەرىپ وتىر.
