بايقاۋ قورىتىندىسى بويىنشا قاراعاندى مەن تۇركىستان وبلىستارى جەڭىس تۇعىرىنان كورىندى.
ايتىس – حالقىمىزدىڭ رۋحاني بايلىعى مەن مادەني مۇراسىنىڭ كورىنىسى. بۇل دوداعا ەلدىڭ تۇكپىر-تۇكپىرىنەن جينالعان ونەرپازدار قاتىسىپ, ءوز ايماقتارىنىڭ نامىسىن قورعادى. قازىلار القاسى اقىنداردىڭ سۋىرىپ سالمالىق قابىلەتىن, وي ۇشقىرلىعىن, ۇلتتىق قۇندىلىقتاردى جەتكىزە ءبىلۋ شەبەرلىگىن ەسكەرە وتىرىپ, كوماندالىق ەسەپ بويىنشا جەڭىستى قاراعاندى جانە تۇركىستان وبلىستارىنىڭ قۇرامالارىنا بىردەي تابىستاۋ تۋرالى شەشىم قابىلدادى.
– ءبىزدىڭ ونەرپازدارىمىزدىڭ «ماڭعىستاۋ – تۇركى مادەنيەتىنىڭ ءتورى» اتتى رەسپۋبليكالىق ايتىستا قول جەتكىزگەن جەڭىسىمەن قۇتتىقتايمىن! قاراعاندى وبلىسىنىڭ قۇراماسى بۇل ايتىستا ءسوز ساپتاۋ شەبەرلىگىمەن, ءان, جىر, كۇي ونەرىنەن جوعارى دەڭگەيدەن كورىنە ءبىلدى. بۇل جەتىستىك وسكەلەڭ ۇرپاقتى مادەني مۇرامىزدى ساقتاۋعا جانە قۇرمەتتەۋگە ىنتالاندىراتىنى ءسوزسىز, – دەدى وبلىس اكىمى ەرماعانبەت بولەكپاەۆ ءوزىنىڭ الەۋمەتتىك جەلىدەگى پاراقشاسىنداعى قۇتتىقتاۋىندا.
قاراعاندى وبلىسى
