«قايتارىلعان اكتيۆتەردى باسقارۋ كومپانياسى» جشس 2025 جىلعى 24 شىلدەدە ساعات 12:00-دە E-Qazyna ۆەب-پلاتفورماسىندا باعانى كوتەرۋ ارقىلى قايتالاما ەلەكتروندىق اۋكتسيون وتەتىنىن حابارلايدى.
ساتىلىمعا 56 زەرگەرلىك بۇيىم قويىلادى.
– اۋكتسيونعا قاتىسۋ ءۇشىن E-Qazyna پلاتفورماسىندا تىركەلىپ, كەپىلدىك جارنانى تولەپ, بەلگىلەنگەن مەرزىمدە ءوتىنىم بەرۋ قاجەت. ساۋدا ونلاين فورماتتا وتەدى, ياعني كەز كەلگەن جەردەن قاتىسۋ مۇمكىندىگى بار. كومپانيا اشىقتىق پەن ايقىندىق قاعيداتتارىن ۇستانا وتىرىپ, اكتيۆتەردىڭ قۇنى تۋرالى تولىق اقپاراتپەن قامتيدى, - دەلىنگەن حابارلامادا.
ساتىلىمعا شىعارىلاتىن لوتتارعا كەلسەك, باستاپقىدا 55 ملن تەڭگەگە ساتىلعان Van Cleef & Arpels القاسى بار. بۇل جولى القا 38,5 ملن تەڭگەگە ءوتۋى مۇمكىن. اشەكەي بۇيىم اق التىننان جاسالعان جانە جالپى سالماعى 16,92 كارات بولاتىن گاۋھارتاسپەن بەزەندىرىلگەن.
سونداي-اق DE BEERS سىرعاسىنىڭ باعاسى تومەندەپتى, ياعني 158 ملن تەڭگەدەن 110 ملن تەڭگەگە تۇسكەن. اق التىننان جاسالعان سىرعانىڭ جالپى سالماعى 6,06 كارات بولاتىن گاۋھارتاسپەن كومكەرىلگەن.
ودان بولەك, باعاسى 214 ملن تەڭگەگە باعالانعان Ulysse Nardin Classic 789-80 ماركالى ساعاتى ءالى ساتىلعان جوق. اتالعان لوت بويىنشا اۋكتسيون 31 شىلدەدە وتەدى, باستاپقى باعا – 150 ملن تەڭگە.
ەسكە سالايىق, ساتىلىمعا قاتىستى قوسىمشا اقپارات الىپ, اۋكتسيونعا قاتىسۋ ءۇشىن E-Qazyna پلاتفورماسىندا جاريالانعان شارتتارمەن تانىسۋ مۇمكىندىگى بار.
