فوتو: اقوردا
كەزدەسۋ بارىسىندا قازاقستاننىڭ وڭىردە تاۋەلسىز اۆياتسيا اكىمشىلىگىن قۇرعان العاشقى ەل ەكەنى اتاپ ءوتىلدى. بۇل قادام ۇشۋ قاۋىپسىزدىگىنە باقىلاۋدى ايتارلىقتاي كۇشەيتۋگە مۇمكىندىك بەردى. وتكەن جىلدان بەرى مونرەال قالاسىندا قازاقستان رەسپۋبليكاسىنىڭ ICAO جانىنداعى تۇراقتى وكىلدىگىنىڭ كەڭسەسى جۇمىس ىستەي باستادى.
حالىقارالىق اۋە تاسىمالدارىنىڭ گەوگرافياسى كەڭەيىپ كەلەدى. بۇگىندە قازاقستان الەمنىڭ 30-دان استام ەلىمەن تىكەلەي اۋە قاتىناسىن جولعا قويدى. نيۋ-يورك, توكيو جانە سينگاپۋر قالالارىنا رەيستەر اشۋ ماسەلەسى پىسىقتالىپ جاتىر.
قازاقستان پرەزيدەنتى بىلتىر الماتى, شىمكەنت جانە قىزىلوردا قالالارىندا جاڭا تەرمينالدار پايدالانۋعا بەرىلگەنىن ايتتى. سونىڭ ىشىندە الماتى اۋەجايىنىڭ وتكىزۋ قابىلەتى التى ەسە, ياعني, جىلىنا 2,5 ميلليوننان 14 ميلليون جولاۋشىعا دەيىن ۇلعايدى.
سونىمەن قاتار مەملەكەت باسشىسى قازاقستان مەن ICAO اراسىندا قول قويىلاتىن ازاماتتىق اۆياتسيا باس جوسپارىنىڭ ماڭىزىنا توقتالدى. اتالعان قۇجات اۆياتسيا سەكتورىن ۇزاقمەرزىمدى دامىتۋ ستراتەگياسى رەتىندە قاراستىرىلادى.
ءوز كەزەگىندە ICAO كەڭەسىنىڭ پرەزيدەنتى ەلىمىزدىڭ ازاماتتىق اۆياتسيا سالاسىنداعى جەتىستىكتەرىمەن قۇتتىقتادى. ول قازاقستاندا اۆياتسيا قارقىندى دامىپ, ورنىقتى ءوسىم كورسەتىپ وتىرعانىنا جانە ناقتى قۇرىلىمى جاساقتالعانىنا نازار اۋداردى.
سونىمەن قاتار قاسىم-جومارت توقاەۆ اۆياتسيا سالاسىنداعى حالىقارالىق ىنتىماقتاستىقتى دامىتۋ مەن نىعايتۋعا قوسقان ۇلەسى ءۇشىن سالۆاتورە شاككيتانونى I دارەجەلى «دوستىق» وردەنىمەن ماراپاتتادى
