قازاقستان قۇراماسىنا – رەسپۋبليكالىق جانە حالىقارالىق وليمپيادالاردىڭ جەڭىمپازدارى مەن جۇلدەگەرلەرى اتانعان ءتورت دارىندى وقۋشى ەندى:
- ابىلاي كابدۋلحادىر – استانا قالاسىنداعى نازارباەۆ زياتكەرلىك مەكتەبىنىڭ 12-سىنىپ وقۋشىسى;
- اڭسار جاقسىلىقوۆ – اقتوبە وبلىسىنداعى ء«بىلىم-يننوۆاتسيا» ليتسەيىنىڭ 10-سىنىپ وقۋشىسى;
- ەڭلىك باقىتبەكوۆا – الماتى قالاسىنداعى نازارباەۆ زياتكەرلىك مەكتەبىنىڭ 12-سىنىپ وقۋشىسى;
- كيريلل كيم – استانا قالاسىنداعى نازارباەۆ زياتكەرلىك مەكتەبىنىڭ 12-سىنىپ وقۋشىسى.
قازاقستان قۇراماسىنىڭ جەتەكشىلەرى:
- سانجار بەگداير – Korea Advanced Institute of Science and Technology (KAIST) ماگيسترانتى, حالىقارالىق جانە رەسپۋبليكالىق وليمپيادالاردىڭ جەڭىمپازى;
- رينات يليۋسيزوۆ – حالىقارالىق جانە رەسپۋبليكالىق وليمپيادالاردىڭ جەڭىمپازى.
ايتا كەتەيىك, حيميادان حالىقارالىق وليمپيادا (IChO) – مەكتەپ وقۋشىلارىنىڭ تەوريالىق جانە پراكتيكالىق بىلىمدەرىن باعالاۋعا باعىتتالعان 7 بەدەلدى وليمپيادالاردىڭ ءبىرى. قازاقستان قۇراماسى اتالعان جارىسقا 1998 جىلدان باستاپ قاتىسىپ كەلەدى. وسى كۇنگە دەيىن قۇرامانىڭ قورجىنىندا 10 التىن, 35 كۇمىس, 48 قولا مەن 4 گراموتا بار.
