اتىراۋ وبلىسى بويىنشا مەملەكەتتىك كىرىستەر دەپارتامەنتىنىڭ باسقارما باسشىسى بيسەن يۋسۋباليەۆتىڭ دەرەگىنە قاراعاندا, 9 مىڭنان استام ادام بيىلعى كولىك سالىعىن ءالى تولەمەي ءجۇر.
«2025 جىلعى كولىك سالىعى بويىنشا 9 مىڭنان استام جەكە تۇلعانىڭ بەرەشەگى 505 ملن تەڭگەگە جەتتى. ونىڭ 400 ملن تەڭگەدەن استامى – نەگىزگى سالىق, 105 ملن تەڭگەگە جۋىعى – ءوسىمپۇل. جىل باسىنان بەرى جۇرگىزىلگەن 107 رەيدتىك ءىس-شارانىڭ ناتيجەسىندە 400 ادامنان 5,2 ملن تەڭگە ءوندىرىلدى», دەيدى بيسەن يۋسۋباليەۆ.
دەپارتامەنت وكىلىنىڭ ايتۋىنشا, سالىق مولشەرى جەكە تۇلعانىڭ يەلىگىندەگى كولىكتىڭ قوزعالتقىش كولەمى مەن ايلىق ەسەپتىك كورسەتكىشكە سايكەس ەسەپتەلەدى.
«قازىر 2024 جىلدىڭ م ۇلىك سالىعىن ەسەپتەۋ جۇرگىزىلىپ جاتىر. سالىقتى بەلگىلەنگەن مەرزىمدە تولەمەگەندەرگە الدىمەن حابارلاما جىبەرىلەدى. ودان كەيىن سالىق بۇيرىعى شىعارىلىپ, بەرەشەك ءماجبۇرلى تۇردە وندىرىلەدى. بۇل پروتسەسس جەكە سوت ورىنداۋشىلارى ارقىلى جۇزەگە اسىرىلادى», دەپ ءمالىم ەتتى بيسەن يۋسۋباليەۆ.
