Comic Con Astana ۇيىمداستىرۋشىلارى كەزەكتى حالىقارالىق جۇلدىزدىڭ ەسىمىن جاريالادى. كەلۋشىلەرمەن جۇزدەسەتىن ءۇشىنشى اكتەر – سكوتت ەدكينس. جاۋىنگەرلىك ونەردىڭ حاس شەبەرى, ەكشن-فيلمدەر مەن Marvel جوبالارىنداعى جارقىن رولدەرىمەن تانىمال بريتان اكتەرى كورەرمەن قاۋىمعا «يۋري بويكا» بەينەسى ارقىلى كەڭىنەن تانىلعان.
ەدكينستىڭ قاتىسۋىمەن جارىق كورگەن فيلمدەر قاتارىندا:
- «نەوسپوريمىي» (Undisputed)
- «دوكتور سترەندج»
- «دجون ۋيك 4»
- «نەۋدەرجيمىە 2»
- «ليۋدي يكس: روسوماحانىڭ باستاۋى»
- «ۋلتيماتۋم بورنا»
- «تسەل نومەر ودين», «پرەستۋپنيك», «يپ مان 4» جانە تاعى باسقالارى بار.
بۇعان دەيىن 2025 جىلعى Comic Con فەستيۆالىنىڭ حەدلاينەرلەرى رەتىندە ەندي سەركيس پەن ەساي مورالەس قاتىساتىنى حابارلانعان بولاتىن. وسىلايشا, ەل استاناسىندا الەمدىك كينويندۋستريانىڭ ءۇش بىردەي الپاۋىت وكىلى باس قوسادى.
فەستيۆالگە سونىمەن قاتار Qewbite, مارموك, ناستيا دجەكسون, «Metal Family» اۆتورلارى الينا كوۆالەۆا مەن دميتري ۆدوۆەنكو, «چيورنىي كابينەت» جوباسىنىڭ نەگىزىن قالاۋشى ارتيوم گۋتكوۆسكي, سۋرەتشى Big Gleb (گلەب مەلنيكوۆ) جانە YouTube-كرەاتور Johan سىندى مەدياپلاتفورمالاردا ميلليونداعان اۋديتوريا جيناعان كونتەنتمەيكەرلەر قاتىسادى.
فەستيۆال اياسىندا ماڭىزدى مادەني وقيعالاردىڭ ءبىرى رەتىندە قازاقستان مەن يسپانيانىڭ بىرلەسكەن حالىقارالىق كينوجوباسى – ءبىتىم (La Tregua) تانىستىرىلادى. بۇل جوبا – Netflix ستريمينگ پلاتفورماسىنا باعىتتالعان العاشقى قازاق-ەۋروپالىق ىنتىماقتاستىق ناتيجەسى.
Visa – Comic Con 2025-ءتىڭ رەسمي سەرىكتەسى رەتىندە شىعارماشىلىق پەن ءوزىن-ءوزى ەركىن بىلدىرۋگە قولداۋ كورسەتىپ وتىر. كومپانيا وكىلدەرىنىڭ ايتۋىنشا, «ۇلكەن وزگەرىستەر – بيلەت ساتىپ الۋدان باستالادى».
ورتالىق ازيا كەڭىستىگىندە بالاماسى جوق بۇل فەستيۆال استانانى كرەاتيۆ يندۋسترياسىنىڭ ناعىز ورتالىعىنا اينالدىرماق. گيك-مادەنيەتتەن باستاپ جاھاندىق ستريمينگكە دەيىنگى بارلىق باعىتتى قامتيتىن Comic Con Astana – تەك كوڭىل كوتەرۋ الاڭى عانا ەمەس, مادەني ديالوگ پەن يدەيالار توعىساتىن حالىقارالىق پلاتفورما.
