فوتو: وقۋ-اعارتۋ مينيسترلىگى
بۇل باستاما اۋىل مەن قالا اراسىنداعى ءبىلىم ساپاسىنداعى الشاقتىقتى ازايتۋعا جانە بالالاردىڭ ساپالى ءبىلىم الۋىنا قولايلى جاعداي جاساۋعا باعىتتالعان. جاڭعىرتۋ جۇمىستارى جەتى نەگىزگى باعىت بويىنشا جۇزەگە اسىرىلادى.
جاڭعىرتۋ اياسىندا كۇردەلى جانە اعىمداعى جوندەۋ جۇمىستارى, پاندىك كابينەتتەرمەن جابدىقتاۋ, مەكتەپ جيھازدارىن جاڭارتۋ, كىتاپحانالار مەن اسحانالاردى, قاۋىپسىزدىك جاعدايلارىن جاقسارتۋ قاراستىرىلعان.
وسىلايشا, 2025–2026 وقۋ جىلىندا روبوتوتەحنيكا, حيميا, بيولوگيا, فيزيكا جانە STEM باعىتتارى بويىنشا 1000-عا جۋىق زاماناۋي پاندىك كابينەت ساتىپ الۋ جوسپارلانۋدا. 509 مەكتەپتىڭ كىتاپحاناسىن, 375 مەكتەپتىڭ اسحاناسىن جاڭعىرتۋ, 598 مەكتەپكە كۇردەلى جانە اعىمداعى جوندەۋ جۇرگىزۋ, 409 مەكتەپتىڭ جيھازدارىن جاڭارتۋ جوسپارلانعان.
اتالعان جوبانىڭ ناتيجەسىندە 369 مىڭ وقۋشىنىڭ وقۋ جانە تاربيەلەنۋ جاعدايىن جاقسارتۋ كوزدەلىپ وتىر.
