فوتو: جوعارى اۋديتورلىق پالاتا
ونىڭ ايتۋىنشا, كەشەندى جوسپاردىڭ ورىندالۋى تۇراقتى باقىلاۋدا. 2025 جىلدىڭ باسىندا جوسپار 72%-عا ورىندالعان.
«637 نىساننىڭ 460-ى جەكەشەلەندىرىلدى نەمەسە تاراتىلدى. بۇل – رەسپۋبليكالىق, كوممۋنالدىق مەنشىكتەگى نىساندار مەن كۆازيمەملەكەتتىك سەكتور اكتيۆتەرى», دەدى ءاليحان سمايىلوۆ.
2024 جىلى جالپى قۇنى 589 ملرد تەڭگە بولاتىن 14 نىسان باسەكەلەستىك ورتاعا بەرىلگەن. ونىڭ ىشىندە 517 ملرد تەڭگە – «قازاقتەلەكوم» اق-نىڭ Tele2 ءموبيلدى وپەراتورى ۇلەسىن كاتارلىق ينۆەستورعا ساتۋ ەسەبىنەن تۇسكەن.
«وسى سومانىڭ 158 ملرد تەڭگەسى رەسپۋبليكالىق بيۋدجەتكە ديۆيدەندتەر تۇرىندە اۋدارىلدى. بۇدان بولەك, اتالعان مامىلە بويىنشا 76 ملرد تەڭگە كورپوراتيۆتىك تابىس سالىعى رەتىندە تولەندى. بۇل – ساتىلعان اكتيۆتىڭ قايتا باعالانۋى ناتيجەسىندە تۇسكەن سالىق. قالعان قاراجات شارتقا سايكەس بيىل جانە 2028 جىلعا دەيىن تۇسەدى», دەدى جوعارى اۋديتورلىق پالاتا توراعاسى.
ونىڭ ايتۋىنشا, كەشەندى جوسپاردى تولىق ورىنداۋ ءۇشىن تاعى 177 نىساندى باسەكەلەستىك ورتاعا بەرۋ قاجەت. وسىعان بايلانىستى جوعارى اۋديتورلىق پالاتا بۇل جۇمىستى جەدەلدەتۋدى ۇسىنادى.
