شومىلۋعا ارنالعان قاۋىپسىز ۋچاسكەلەر انىقتالدى, جاعاجايلار تازارتىلدى, سۋدا ءجۇرىس-تۇرىس ەرەجەلەرى بار ەسكەرتۋ بەلگىلەرى مەن اقپاراتتىق قالقاندار ورناتىلدى.
اقتاۋ مەن ونىڭ ماڭايىنداعى اۋدانداردا قۇتقارۋشىلاردىڭ ءموبيلدى بەكەتتەرى ورناتىلدى. بارلىق قاجەتتى زاتتارمەن: قۇتقارۋ شەڭبەرلەرىمەن, قايىقتارمەن, بايلانىس قۇرالدارىمەن جانە ءدارى قوبديشالارىمەن قامتاماسىز ەتىلگەن قۇتقارۋ قىزمەتتەرىنىڭ قىزمەتكەرلەرى تەڭىز جاعالاۋىندا كەزەكشىلىك ەتەدى. كۇندەلىكتى پاترۋلدەر وتكىزىلەدى.
قۇتقارۋشىلار مەن ۆولونتەرلەر حالىق اراسىندا ءتۇسىندىرۋ جۇمىستارىن جۇرگىزەدى. تەڭىز جاعاسىندا قاۋىپسىز دەمالۋ ءۇشىن جادنامالار مەن بۋكلەتتەر تاراتىلادى. مەكتەپتەردە, اۋلا كلۋبتارىندا جانە لاگەرلەردە بالالارمەن تاقىرىپتىق ساباقتار وتكىزىلەدى.
كۇشتى اعىندارعا, تولقىندارعا, تاستارعا نەمەسە تىك جاعالاۋلارعا بايلانىستى شومىلۋعا تىيىم سالىنعان جەرلەردە رەيدتەر ۇيىمداستىرىلدى. سۋدا ءجۇرىس-تۇرىس ەرەجەلەرىن بۇزۋشىلارعا ەسكەرتۋ جاسالادى, كامەلەتكە تولماعانداردىڭ اتا-انالارىمەن اڭگىمەلەر جۇرگىزىلەدى.
شاعىن كولەمدى كەمەلەردىڭ يەلەرىنە ارنالعان نۇسقاۋلىقتار ۇنەمى وتكىزىلىپ تۇرادى. قۇتقارۋ كەۋدەشەلەرىن كيۋ جانە اكۆاتورياعا شىعۋ ەرەجەلەرىن ساقتاۋ ماسەلەلەرىنە ەرەكشە نازار اۋدارىلادى.
جاعالاۋ اۋماقتارى ەكى قالانى — اقتاۋ مەن جاڭاوزەندى, سونداي-اق قاراقيا جانە تۇپقاراعان اۋداندارىن قامتيدى. وسى ەلدى مەكەندەردىڭ ارقايسىسىندا ماڭعىستاۋ وبلىسى تجد جەدەل-قۇتقارۋ جاساعىنىڭ سۋداعى توتەنشە جاعدايلارعا پاترۋلدەۋگە, الدىن الۋعا جانە دەن قويۋعا جۇمىلدىرىلعان قۇتقارۋ بولىمشەلەرى بار.
اقتاۋ اۋدانىنداعى كاسپي تەڭىزى اكۆاتورياسىنىڭ ەرەكشەلىكتەرى: جاعالاۋعا جاقىن تەرەڭدىكتىڭ كۇرت وزگەرۋى; سۋاستى اعىندارىنىڭ بولۋى; داۋىلدى اۋا-رايىندا شومىلۋ كەزىندەگى قاۋىپ; شومىلۋعا تىيىم سالىنعان تەحنيكالىق وبەكتىلەر مەن سۋ بۇرعىشتاردىڭ بولۋى.
