بۇگىن تاريح جانە قۇقىق فاكۋلتەتىنىڭ 350 ءبىلىم الۋشىسى ۋنيۆەرسيتەت قابىرعاسىنان تۇلەپ ۇشىپ, باكالاۆر دارەجەسىن يەلەنىپ وتىر.
سالتاناتتى شارانىڭ شىمىلدىعى ۋنيۆەرسيتەتتىڭ اكادەميالىق قىزمەت جونىندەگى پرورەكتورى بانۋ ناربەكوۆانىڭ قۇتتىقتاۋ سوزىمەن اشىلدى.
سالتاناتتى جيىن بارىسىندا عىلىم جانە جوعارى ءبىلىم ءمينيسترى ساياسات نۇربەكتىڭ ۋنيۆەرسيتەت تۇلەكتەرىنە ارنالعان بەينەقۇتتىقتاۋى كورسەتىلىپ, ءبىتىرۋشى تۇلەكتەرگە جۇرەكجاردى تىلەگى جولداندى.
سونىمەن قاتار, وقۋ وزاتتارى مەن قوعامدىق جۇمىستارعا بەلسەنە ارالاسقان, ۋنيۆەرسيتەتتىڭ ءوزىن-ءوزى باسقارۋ ستۋدەنتتىك ۇيىمنىڭ دامۋىنا ۇلەس قوسقان بىرقاتار تۇلەك ۋنيۆەرسيتەت رەكتورىنىڭ العىس حاتىمەن ماراپاتتالدى. شارا بارىسىندا ءاربىر تۇلەككە رەكتور اتىنان اباي قۇنانباەۆتىڭ «قارا سوزدەر» جيناعى ەستەلىك رەتىندە تابىس ەتىلدى.
ايتا كەتسەك, بيىل اباي اتىنداعى قازاق ۇلتتىق پەداگوگيكالىق ۋنيۆەرسيتەتىن 4 239 بولاشاق مامان ءتامامدايدى. الداعى كۇندەرى دەنە شىنىقتىرۋ جانە باستاپقى اسكەري دايىندىق فاكۋلتەتى, ونەر فاكۋلتەتى, ماتەماتيكا, فيزيكا جانە ينفورماتيكا فاكۋلتەتى, جاراتىلىستانۋ جانە گەوگرافيا فاكۋلتەتى, پەداگوگيكا جانە پسيحولوگيا فاكۋلتەتى, فيلولوگيا فاكۋلتەتى مەن سوربوننا-قازاقستان ينستيتۋتىنىڭ تۇلەكتەرىنە ارنالعان ديپلوم تابىستاۋ راسىمدەرى وتەتىن بولادى.
