بەينەجازبا ارقىلى وتكەن الدىن الا ىرىكتەۋگە 400-دەن استام ۇمىتكەر قاتىسقان. ولاردىڭ ىشىنەن 12 ۇزدىك ورىنداۋشى تاڭدالىپ الىندى. سولاردىڭ قاتارىندا قازاقستاننان قاتىسقان ايگەرىم التىنبەك تە بار.
وپەرا ءانشىسى ايگەرىم التىنبەك – كوپتەگەن حالىقارالىق ۆوكالدىق بايقاۋلاردىڭ لاۋرەاتى. ول تانىمال كومپوزيتور دجاكومو ءپۋچچينيدىڭ 100 جىلدىعىنا وراي ۇيىمداستىرىلعان حالىقارالىق وپەرا انشىلەرى بايقاۋىندا جەڭىمپاز اتاندى.
يتاليانىڭ مودەنا قالاسىندا وتكەن نيكولاي گياۋروۆ اتىنداعى وپەرا انشىلەرىنىڭ حالىقارالىق بايقاۋىندا ايگەرىم ءۇشىنشى ورىن يەلەندى. قازاقستاندىق ءانشى اتاقتى يتاليالىق وپەرا ءانشىسى ميرەللا فرەنيدىڭ ارنايى سىيلىعىن الدى. الەمنىڭ 470 قاتىسۋشىسى قاتىسقان رەناتا تەبالدي اتىنداعى حالىقارالىق ۆوكال بايقاۋىندا ونەرپاز ەكىنشى ورىنعا يە بولدى.
25 ماۋسىمدا الەمگە ايگىلى حوسە كاررەراستىڭ كونتسەرتى وتەدى. وسى كەشتە ايگەرىم التىنبەك تە ونەر كورسەتەدى. كونتسەرتتە الەمدىك وپەرا اريالار شىرقالىپ, تانىمال دۋەتتەر ساحناعا شىعادى. سونداي-اق 27–28 ماۋسىمدا يتاليانىڭ نەاپول قالاسىندا اندرەا بوچەلليدىڭ مەرەيتويلىق كونتسەرتىنە قاتىسىپ, اتى اڭىزعا اينالعان تەنورمەن ءبىر ساحنادا ءان شىرقايدى.
دارىندى ونەرپازدىڭ بۇل جەتىستىگى – ونىڭ بىلىمگە دەگەن ۇمتىلىسى مەن كاسىبي شەبەرلىگىنىڭ جەمىسى.
