فوتو: اشىق دەرەككوز
ساراپشىلاردىڭ دەرەگىنشە, قىتاي ازاماتتارىنىڭ ورتالىق ازيا ەلدەرىنە اۋە قاتىناسىنا قىزىعۋشىلىعى ەداۋىر وسكەن. ماسەلەن, وزبەكستانعا بيلەت برونداۋ 78%-عا, تاجىكستانعا – 48%-عا, ال قىرعىزستانعا ساپارلار سانى ەكى ەسەدەن اسا كوبەيگەن.
سوڭعى ايلاردا قىتاي مەن ورتالىق ازيا ەلدەرى اراسىنداعى اۋە بايلانىسى بەلسەندى كەڭەيىپ جاتىر. جاقىن ارادا China Eastern Airlines كومپانياسى شانحاي – الماتى باعىتى بويىنشا جاڭا رەيس اشۋدى جوسپارلاعان, ال China Southern Airlines اۋە كومپانياسى گۋانچجوۋ – الماتى جانە گۋانچجوۋ – تاشكەنت باعىتتارىندا تۇراقتى رەيستەردى ىسكە قوسادى.
ەستەرىڭىزگە سالا كەتەيىك, قىتاي مەن قازاقستان اراسىنداعى ۆيزاسىز رەجيم ەنگىزىلگەننەن كەيىن تۋريستىك اعىم قارقىندى وسە باستاعان. 2024 جىلى قازاقستانعا كەلگەن قحر ازاماتتارىنىڭ سانى 655 مىڭ ادامدى قۇراپ, 2023 جىلمەن سالىستىرعاندا 78%-عا ارتقان.
سونىمەن قاتار, قىتايدىڭ ءىرى تۋريستىك ونلاين پلاتفورمالارىنىڭ ءبىرى 2025 جىلعا ارنالعان ەڭ پەرسپەكتيۆالى باعىت رەتىندە قازاقستاندى اتادى.
ايتا كەتەيىك, قازاقستان – قىتايمەن ۆيزاسىز رەجيم ەنگىزگەن العاشقى ورتالىق ازيا ەلدەرىنىڭ ءبىرى.
