مەرەكەلىك شارا ناۋرىزباي اۋدانىنىڭ تۇرعىندارى مەن قوناقتارى ءۇشىن اشىق فورماتتا ۇيىمداستىرىلىپ, ۇلكەندەر مەن بالالارعا كوتەرىڭكى كوڭىل-كۇي سىيلادى. فەستيۆالدىڭ نەگىزگى ماقساتى — بالالار مەن جاستاردىڭ شىعارماشىلىق قابىلەتتەرىن دامىتۋ, بەلسەندى ءومىر سالتىن ناسيحاتتاۋ جانە دەمالىس ورتالىقتارىنىڭ جۇمىسىن كەڭىنەن تانىستىرۋ بولدى.
فەستيۆال اياسىندا دەمالىس ورتالىقتارىنا قاتىسۋشى بالالار ءان ايتىپ, بي بيلەپ, كوركەم ءسوز وقىپ, ءتۇرلى ونەر تۇرلەرى ارقىلى كورەرمەننىڭ ىستىق ىقىلاسىنا بولەندى. ساحنادا ءوز دارىنىن كورسەتكەن جاس ونەرپازدار مەن ولاردىڭ ۇستازدارى كورەرمەندەردىڭ زور قوشەمەتىنە يە بولدى.
شارا بارىسىندا دەمالىس ورتالىقتارىنىڭ وقىتۋشىلارى اۋدان اكىمىنىڭ ارنايى العىس حاتتارىمەن ماراپاتتالدى. بۇل — ولاردىڭ ەڭبەگىنە بەرىلگەن ءادىل باعا مەن رۋحاني قولداۋدىڭ بەلگىسى.
«ناۋرىزباي Fest» — تەك مەرەكە عانا ەمەس, اۋداننىڭ مادەني ءومىرىنىڭ جاندانۋىنا سەرپىن بەرەتىن ماڭىزدى وقيعا. ءىس-شارا ناۋرىزباي اۋدانىنداعى دەمالىس ورتالىقتارىنىڭ بالالار مەن جاسوسپىرىمدەرگە باعىتتالعان تاربيە جانە مادەني جۇمىستارىن قولداۋ ماقساتىندا ۇيىمداستىرىلدى.
ۇيىمداستىرۋشىلار الداعى ۋاقىتتا بۇل فەستيۆالدى جىل سايىن ءداستۇرلى تۇردە وتكىزىپ, اۋقىمىن كەڭەيتۋدى جوسپارلاپ وتىر.
