عالىم اتىنداعى اۋديتوريا

سالتاناتتى ءىس-شارانىڭ اشىلۋىندا ۋنيۆەرسيتەت رەكتورى, اكادەميك قانات تىرەۋوۆ ەكونوميكا عىلىمى سالاسىندا ونەگەلى ءىز قالدىرعان ش.يمانعاجيننىڭ ەڭبەگىن ەرەكشە اتاپ ءوتتى.

«بۇل اۋديتوريا – ءبىلىم مەن عىلىمعا ارنالعان عيما­رات عانا ەمەس, ۇلاعاتتى ۇستاز­دىڭ رۋحىنا قۇرمەت. ول ءوزىنىڭ عىلىمعا دەگەن ادالدىعىمەن شاكىرتتەرىنىڭ جۇرەگىنەن جول تاپقان تۇلعا», دەدى ول.

سونداي-اق اتالعان جوعارى وقۋ ورنىندا ونىمەن بىرگە قىزمەت ىستەگەن ەكونوميكا عى­لىم­دارىنىڭ دوكتورى, پروفەسسور جاسقايرات سۇندەت ۇلى, اۋىل شارۋاشىلىعى عىلىم­دارىنىڭ دوكتورى, پروفەسسور ايتباي بۇلاشەۆ, ت.ب. ازاماتتار ءسوز الىپ, عالىمنىڭ ەڭبەكتەرى مەن وقىتۋشىلىق قىزمەتى تۋرا­لى جىلى ەستەلىك­تەرىمەن ءبولىستى.

ش.يمانعاجين 1954 جىلى سول كەزدەگى لەنينگراد قار­جى-ەكونوميكالىق ينستيتۋتتى ءبىتىرىپ كەلگەننەن كەيىن, بار سانالى ءومىرىن اۋىل شا­رۋا­شىلىعى ەكونوميكاسىنا ارنادى. وسى باعىتتا كان­ديداتتىق ديسسەرتاتسياسىن قورعادى. 1967 جىلدان باستاپ, ءومىرىنىڭ سوڭىنا دەيىن قازىرگى قازاق اگروتەحنيكالىق زەرتتەۋ ۋنيۆەرسيتەتىنە قىزمەت ىستەدى. ءبىراز جىل ەكونوميكا فاكۋلتەتىنىڭ وقىتۋشىسى, دەكانى بولدى. ستاتيستيكا كافەدرا­سىن باسقاردى.

عالىمنىڭ كوزى تىرىسىندە 60-تان استام عىلىمي, ادىس­تەمەلىك جانە وقۋ قۇرالى جارىق كورگەن. ونىڭ ىشىندەگى ستۋدەنتتەرگە ارنالعان 5 وقۋ قۇرالىن ايرىقشا ايتۋعا بولادى. 1989 جىلى پروفەسسوردىڭ 1 وقۋ قۇرالى الەمدىك كىتاپحانا ارقىلى اقش-تا جاريالانعان. بۇدان بولەك, ول نارىقتىق ەكو­نوميكا, ستاتيستيكا جانە تسيفر­لىق ترانسفورماتسيا سالا­سىنىڭ دامۋىنا ەلەۋلى ۇلەس قوستى.

ءبىر سوزبەن ايتقاندا, ۇزاق جىل بويى عىلىم مەن وقى­تۋ­شىلىق قىزمەتتى قاتار الىپ, شاكىرت تاربيەلەگەن ش.يمانعاجين اتىنداعى اۋدي­تو­ريا بولاشاق ەكونوميكا ما­مان­­دارىنىڭ ءبىلىم ورداسىنا اي­نالماق.

اليا يسمايلوۆا,

ەكونوميكا عىلىمدارىنىڭ كانديداتى, دوتسەنت