فوتو: سۋ رەسۋرستارى جانە يرريگاتسيا مينيسترلىگى
بىلتىرعى جىلمەن سالىستىرعاندا بيىل 335 ملن تەكشە مەتر سۋ ارتىق بەرىلىپ وتىر, ناقتى اتاعاندا الماتى (6 ملن تەكشە مەترگە ارتىق), جامبىل (شامامەن 50 ملن تەكشە مەترگە كوپ), قىزىلوردا (74 ملن تەكشە مەترگە ارتىق), تۇركىستان (234 ملن تەكشە مەترگە كوپ). ال جەتىسۋ وبلىسىنداعى سۋ پايدالانۋشىلارعا 196 ملن تەكشە مەتر سۋارمالى سۋ جىبەرىلدى.
5 وبلىس اۋماعىندا 348 مىڭ گەكتاردان استام ەگىستىك القاپتارى سۋارىلدى. ونىڭ 25 817 گەكتارى الماتى وبلىسىنا, 42 600 گەكتارى جامبىل وبلىسىنا, 33 674 گەكتارى جەتىسۋ وبلىسىنا, 126 300 گەكتارى قىزىلوردا وبلىسىنا, 119 900 گەكتارى تۇركىستان وبلىسىنا تيەسىلى.
سۋ رەسۋرستارى جانە يرريگاتسيا ءبىرىنشى ۆيتسە-ءمينيسترى نۇرلان الدامجاروۆتىڭ ايتۋىنشا سالا ءمينيسترى نۇرجان نۇرجىگىتوۆتىڭ تاپسىرماسىمەن ۆەدومستۆو ماماندارىنان قۇرىلعان 4 جۇمىس توبى سۋدىڭ زاڭسىز پايدالانىلۋىن انىقتايدى, سونداي-اق قازاقستاننىڭ وڭتۇستىگىندە سۋدى ۇنەمدەۋ, رەتتەۋ جانە ءبولۋ ماسەلەلەرى بويىنشا مونيتورينگ جۇرگىزەدى.
«سونىمەن قاتار سۋ ۇنەمدەۋ تەحنولوگيالارىن ەنگىزۋ, ىلعال سۇيگىش داقىلداردىڭ كولەمىن قىسقارتۋ جانە تۇنگى سۋارۋ ءادىسىن قولدانۋ بويىنشا ءتۇسىندىرۋ جۇمىستارى جۇرگىزىلىپ جاتىر. كانالدار ارقىلى سۋدى كەزەكپەن جىبەرۋ كەستەلەرى ازىرلەنىپ, ىسكە اسىرىلىپ جاتىر», دەدى ن.الدامجاروۆ.
