سۋرەت: primeminister.kz
كەزدەسۋ بارىسىندا تاراپتار ەكىجاقتى ينۆەستيتسيالىق ىنتىماقتاستىقتى نىعايتۋعا بايلانىستى بىرقاتار ماسەلەنى, سونداي-اق قازاقستان اۋماعىندا بىرلەسكەن ينفراقۇرىلىمدىق جانە ونەركاسىپتىك جوبالاردى جۇزەگە اسىرۋعا باعىتتالعان شەشىمدەردى ازىرلەۋ جونىندەگى الداعى قادامداردى تالقىلادى.
قىتاي ەكسپورت-يمپورت بانكىنىڭ كولىك-لوگيستيكالىق جانە وزگە دە ينفراقۇرىلىمدى دامىتۋعا باعىتتالعان نەگىزگى ينۆەستيتسيالىق باستامالاردى قارجىلاندىرۋعا ودان ءارى قاتىسۋ كەلەشەگىنە ەرەكشە نازار اۋدارىلدى.
چەن حۋايۋي قىتاي تاراپىنىڭ ءوزارا مۇددەلەرگە جاۋاپ بەرەتىن جانە قازاقستاننىڭ ورنىقتى الەۋمەتتىك-ەكونوميكالىق دامۋىنا ىقپال ەتەتىن جوبالارعا قولداۋ كورسەتۋگە دايىن ەكەنىن راستادى.
كەزدەسۋ قورىتىندىسى بويىنشا رومان سكليار اتالعان جوبالاردى جۇزەگە اسىرۋ قازاقستان – قىتاي ىنتىماقتاستىعىن كەڭەيتۋدە ماڭىزدى فاكتور بولاتىنىنا جانە ەكى ەل اراسىنداعى ستراتەگيالىق ارىپتەستىككە جاڭا سەرپىن بەرەتىنىنە سەنىم ءبىلدىردى.
