سۋرەت: kazpravda.kz
قۇجاتتا مىناداي دەرەكتەر قامتىلعان: قامقورشىنىڭ جسن مەن ءتاا, تۋعان كۇنى, سونداي-اق قامقورلىعىنداعى ازاماتتىڭ جسن مەن ءتاا, تۋعان كۇنى, قامقورشىنى تاعايىنداۋ تۋرالى بۇيرىقتىڭ ءنومىرى مەن كۇنى, سونىمەن قاتار «جارامدى كۇنى» تۋرالى اقپارات بار. قۇجاتتىڭ تۇپنۇسقالىعىن راستاۋ ءۇشىن QR-كود قاراستىرىلعان. ونى سكانەرلەگەن كەزدە ءبىر تاۋلىك بويى جارامدى تسيفرلىق نۇسقاسى اشىلادى.
قۇجات «تسيفرلىق قۇجاتتار» بولىمىندە «قۇجاتتاردى جاڭارتۋ» باتىرماسىن باسقاننان كەيىن, زاڭدى وكىل مارتەبەسى راستالعان قولدانۋشىلاردا اۆتوماتتى تۇردە پايدا بولادى.
قامقورشى مارتەبەسىن رەسمي تۇردە راستاۋ قاجەت بولاتىن جاعدايدا – مەملەكەتتىك تولەمدەردى الۋ, بانككە, مەديتسينالىق مەكەمەلەرگە جانە باسقا ۇيىمدارعا جۇگىنۋ كەزىندە – بۇيرىقتىڭ ەلەكتروندىق نۇسقاسى قاجەت بولۋى مۇمكىن.
كورسەتىلەتىن قىزمەتتى پايدالانۋ ءۇشىن: بىرىنشىدەن, «eGov mobile» ءموبيلدى قوسىمشاسىنا كىرىپ, اۆتوريزاتسيادان ءوتىپ, «تسيفرلىق قۇجاتتار» بولىمىنە ءوتۋ, ەكىنشىدەن, «وتباسى» ساناتىنان قامقورشىلىق نەمەسە قورعانشىلىق تۋرالى مالىمەتتەرمەن تانىسۋ, ءۇشىنشى, ەگەر قۇجات كورسەتىلمەسە – «قۇجاتتاردى جاڭارتۋ» باتىرماسىن باسۋ قاجەت.
جاڭا قىزمەت تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى مەملەكەتتىك كورسەتىلەتىن قىزمەتتەر كوميتەتىنىڭ, «ۇلتتىق اقپاراتتىق تەحنولوگيالار» اق, ەڭبەك جانە حالىقتى الەۋمەتتىك قورعاۋ مينيسترلىگى جانە «ەڭبەك رەسۋرستارىن دامىتۋ ورتالىعى» اق ىنتىماقتاستىعىمەن جۇزەگە اسىرىلدى.
ازات ەسەن
