فوتو: اشىق دەرەككوز
ەندى وبلىستاعى مەملەكەتتىك مەكەمەلەردە جۇمىس كۇنى تاڭعى 08:00-دە باستالىپ, 17:30-دا اياقتالادى. تۇسكى ءۇزىلىس 12:30-دان 14:00-گە دەيىن بەلگىلەنگەن.
اكىمدىك وكىلدەرى بۇل وزگەرىستىڭ قر ەڭبەك كودەكسىنە سايكەس ەكەنىن اتاپ ءوتتى. جۇمىس ۋاقىتى سەگىز ساعات بولىپ قالا بەرەدى, ال مەملەكەتتىك مەكەمەلەر قالىپتى رەجيمدە جۇمىسىن جالعاستىرادى.
ەستەرىڭىزگە سالا كەتەيىك, جاقىندا ءماجىلىس دەپۋتاتى اسىلبەك نۇرالين ءىرى قالالارداعى كولىك جۇكتەمەسىنە الاڭداۋشىلىق بىلدىرگەن ەدى. ونىڭ ايتۋىنشا, استانا مەن باسقا دا مەگاپوليستەردە كولىك كەپتەلىسى, قوعامدىق كولىك قوزعالىسىنىڭ كىدىرىسى جانە جول ينفراقۇرىلىمىنىڭ شامادان تىس جۇكتەمەسى كۇن تارتىبىنەن تۇسپەي وتىر.
سوندىقتان دەپۋتات مەملەكەتتىك قىزمەتكەرلەر مەن ۇلتتىق كومپانيا قىزمەتكەرلەرى ءۇشىن جۇمىس ۋاقىتىن ەرتە باستاۋ تۋرالى ۇسىنىس ايتتى. بۇل باستاما كولىك كەپتەلىسىن ازايتۋعا جانە مەگاپوليستەردىڭ تىنىس-تىرشىلىگىن جەڭىلدەتۋگە باعىتتالعان.
