فوتو: مادەنيەت جانە اقپارات مينيسترلىگى
ۇجىمنىڭ 90 جىلدىق مەرەيتويىنا ورايلاستىرىلعان كونتسەرت اقمولا وبلىسىنان باستالىپ, ەلوردادا جالعاسىن تاپقان گاسترولدىك ساپارىنىڭ ءبىر بولىگى بولدى.
ەكى بولىمنەن تۇراتىن كونتسەرتتىڭ العاشقى بولىمىندە ءداستۇرلى كۇيشى-كومپوزيتورلاردىڭ تۋىندىلارى ۇسىنىلدى. اتاپ ايتساق, قۇرمانعازى, داۋلەتكەرەي, تاتتىمبەت, نۇرعيسا تىلەنديەۆ, قارشىعا احمەدياروۆ جانە تاعى دا باسقا كومپوزيتورلاردىڭ شىعارمالارى ورىندالدى. بۇل بولىمدە ۇلتتىق مۋزىكا مادەنيەتىنىڭ تەرەڭدىگى مەن بايلىعى, تاريحي ماڭىزى كورسەتىلدى.
زاماناۋي باعىتتاعى شىعارمالار مەن الەمدىك كلاسسيكانى قامتىعان ەكىنشى بولىمدە Yanni, Sting, Toni Braxton, Ray Charles, Whitney Houston سىندى ونەر جۇلدىزدارىنىڭ شىعارمالارى ساحنا تورىندە قالىقتادى.
قازاق وركەسترىنە لايىقتالعان بۇل تۋىندىلار ۇلتتىق ءداستۇر مەن قازىرگى زاماننىڭ ۇيلەسىمدى ۇندەستىگىن كورسەتتى. كەشتە قازاقستاننىڭ ەڭبەك سىڭىرگەن قايراتكەرلەرى, حالىقارالىق بايقاۋلاردىڭ لاۋرەاتتارى جانە احمەت جۇبانوۆ اتىنداعى دارىندى بالالارعا ارنالعان مەكتەپ ينتەرناتىنىڭ ۆيولونچەليستەر ءانسامبلى ونەر كورسەتتى.
ايتا كەتەيىك, ۇجىمنىڭ كەلەسى گاسترولدىك ساپارى شىمكەنت قالاسىندا جالعاسادى. ۇجىم رەسپۋبليكالىق «وركەسترلەر شەرۋى» فەستيۆالىنە قاتىسىپ, شىمكەنتتىك كورەرمەنگە «وركەستر ءتۇنى» اتتى اۆتورلىق جوباسىن ۇسىنادى.
