سۋرەت CTS ءباسپاسوز قىزمەتىنەن
استانا اكىمدىگىنىڭ ۋربانيستيكا ورتالىعى جاريالاعان ۆيدەودا قىتايدىڭ تانشان قالاسىنان شىققان زاماناۋي ۆاگونداردىڭ استاناعا دەيىنگى ۇزاق جولى بەينەلەنگەن. جۇك كولىكتەرىمەن جەتكىزىلگەن قۇرامدار ەلىمىزگە 10 كۇندە 5300 شاقىرىمدىق جولدى ءجۇرىپ جەتتى.
«City Transportation Systems» كومپانياسىنىڭ حابارلاۋىنشا, قۇرامنىڭ ۇزىندىعى 60 مەتر. ولار تولىق اۆتوماتتاندىرىلعان باسقارۋ جۇيەسىمەن جابدىقتالعان. ياعني قوزعالىس, ەسىكتەردى اشۋ-جابۋ, ستانساعا توقتاۋ مەن قوزعالىستى باقىلاۋ سياقتى بارلىق وپەراتسيا كومپيۋتەرلىك جۇيە ارقىلى جۇزەگە اسادى.
– جۇرگىزۋشىسىز باسقارىلادى, دەگەنمەن بارلىق ۇدەرىس وپەراتورلاردىڭ باقىلاۋىندا بولادى, – دەيدى كومپانيا وكىلدەرى.
جاڭا كولىك 600-دەن استام جولاۋشىنى تاسىمالداي الادى. ماكسيمالدى جىلدامدىعى – 80 كم/ساع, ال ورتاشا جىلدامدىعى – 39,5 كم/ساع. سالماعى – 94 توننا.
LRT جوباسىنىڭ العاشقى جەلىسى 22,4 شاقىرىمدى قامتيدى. باعىت اۋەجايدان باستالىپ, «نۇرلى جول» تەمىرجول ۆوكزالىنا دەيىن سوزىلادى. جول بويىندا 18 ستانسا ورنالاسقان. ولاردىڭ قاتارىندا EXPO, Abu Dhabi Plaza, مينيسترلىكتەر ءۇيى جانە ۇلتتىق مۋزەي سىندى نىساندار بار. مارشرۋتتىڭ تولىق ۇزاقتىعىن ءجۇرىپ ءوتۋ ۋاقىتى شامامەن 36 مينۋت بولماق.
