سۋرەتتى تۇسىرگەن – ەرلان ومار, «EQ»
ال 2019–2024 جىلدارى «اتىراۋ مۇناي وڭدەۋ زاۋىتى» جشس-نىڭ بۇرىنعى باس ديرەكتورلارى ش.دانباي مەن م.دوسمۇراتوۆقا قاتىستى وكىلەتتىگىن اسىرا پايدالانۋ جانە سالعىرتتىق فاكتىلەرى بويىنشا قىلمىستىق ءىس قوزعالدى. ولاردىڭ زاڭسىز ارەكەتىنە بايلانىستى ءىس سوتتا قارالدى. سوت ۇكىمىمەن ولار سوتتالدى. ش.دانباي ءىسى بويىنشا مەملەكەت كىرىسىنە 2,9 ملرد تەڭگە ءوندىرىلدى. م.دوسمۇراتوۆتان 1,9 ملرد تەڭگە قايتارىلدى. بىزگە بۇل تۋرالى دەرەكتى وبلىستىق ەكونوميكالىق تەرگەپ-تەكسەرۋ دەپارتامەنتىنىڭ شتاب باستىعى بەكبولات انەسوۆ ايتىپ بەردى.
ونىڭ سوزىنشە, «اتىراۋ مۇناي وڭدەۋ زاۋىتىنا» قاتىستى ەڭ ماڭىزدى ناتيجە رەتىندە ساتىپ الاتىن قىزمەتتەر مەن قىزمەت قۇنىنا اسەر ەتكەن تاۋارلار تىزبەگىندەگى ارتىق دەلدالدار جويىلعانىن ايتۋعا بولادى. ماسەلەن, «ENERTEK», «NNS LTD», «KTR», «IQS» كومپانيالارىنىڭ ء«اموز» جشس-مەن بايلانىستى اۋتسورسينگ جونىندەگى شارتتارى بۇزىلعان. ولارعا زاۋىت قۇرامىنداعى 4 تسەح جابدىعىمەن, 1 قىزمەتكەر شتاتىمەن بىرگە بەرىلگەن.
«وسىنداي ءونىمسىز دەلدالداردىڭ جىل سايىنعى تابىسى 7 ملرد تەڭگەدەن, ال پايدالانۋ كەزەڭىندە 30 ملرد تەڭگەدەن استام قارجىنى قۇرادى. مۇنىڭ ءبارى زاۋىت بيۋدجەتى ارقىلى ءوتىپ كەلگەن. تەرگەۋ شەڭبەرىندە مەملەكەتكە №6 پارك اۆتونومدى قۇيۋ ستانساسىمەن ءاموز بويىنشا نەگىزسىز جاسالعان شارتتار بۇزىلدى. م ۇلىكتىك كەشەندەر قايتارىلدى. سوتقا دەيىنگى تەرگەۋ بارىسىندا مەملەكەت پايداسىنا قۇنى 2,2 ملرد تەڭگە بولاتىن سۇيىتىلعان مۇناي گازىن ساقتاۋ پاركىنىڭ 50% ۇلەسى قايتارىلدى», دەپ ءمالىم ەتتى دەپارتامەنتتىڭ شتاب باستىعى.
دەپارتامەنت وكىلىنىڭ پىكىرىنشە, اتىراۋ وبلىسى جالپى مەملەكەتتىك رەيتينگتە كولەڭكەلى ەكونوميكانىڭ ۇلەسى تومەن وڭىرلەر اراسىندا 3-ورىندا تۇر. قازىر مۇنايلى ءوڭىردىڭ الدىندا استانا مەن الماتى قالاسى بار.
«كولەڭكەلى كاسىپكە ءۇيىر بولاتىندار مەن ەكونوميكانىڭ دامۋىن تەجەيتىن سالالارعا مونيتورينگ جۇرگىزۋ جالعاسا بەرەدى. قازىر اتىراۋ وبلىسىندا كولەڭكەلى ەكونوميكا دەڭگەيىنە تەرىس اسەر ەتەتىن نەگىزگى ەكى باعىت بار. ماسەلەن, اۋىل شارۋاشىلىعى سالاسىنداعى ءوسىم 0,01, ال كوتەرمە, بولشەك ساۋدادا بۇل كورسەتكىش 0,02%-دى قۇراپ وتىر», دەپ ناقتىلادى ب.انەسوۆ.
وڭىردەگى باقىلانبايتىن ەكونوميكانىڭ ۇلەس سالماعى 2021 جىلى 1,57% بولىپ, 2022 جىلى 1,48%-عا تومەندەگەن. ەڭ ەلەۋلى تومەندەۋ كورسەتكىشى 2023 جىلى 1,19%-عا جەتتى. وڭ ديناميكا ونەركاسىپتە, ونىڭ ىشىندە كارەر قازۋ, قۇرىلىس, كولىك جانە قويمالاۋ سالاسىندا بايقالىپ وتىر.
اتىراۋ وبلىسى
