ەڭبەك زاڭناماسىن بۇزعان كاسىپورىندار جاۋاپكەرشىلىككە تارتىلدى

سونىمەن قاتار, ءارتۇرلى ۇيىمداردا جۇرگىزىلگەن تەكسەرۋلەر بارىسىندا ەڭبەك قۇقىعىنىڭ بۇزىلۋىنا قاتىستى 2,4 مىڭنان استام فاكت تىركەلدى. وسىعان بايلانىستى جۇمىس بەرۋشىلەرگە زاڭ تالاپتارىن ورىنداۋ جونىندە 1 588 ۇيعارىم بەرىلىپ, جالپى سوماسى 194 ميلليون تەڭگەدەن استام اكىمشىلىك ايىپپۇل سالىندى.

قابىلدانعان شارالاردىڭ ناتيجەسىندە جالاقى قارىزىن وتەۋ بويىنشا ناقتى كەستەلەر بەلگىلەنىپ, 1,9 مىڭ جۇمىسكەردىڭ قۇقىعى قورعالدى. ولارعا 677 ميلليون تەڭگەدەن استام جالاقى تولەندى.

ەڭبەك زاڭناماسىنىڭ ساقتالۋىنا مەملەكەتتىك باقىلاۋ تۇراقتى نەگىزدە جۇزەگە اسىرىلىپ وتىر. بۇل باعىتتاعى جۇمىستار  ەڭبەك جانە حالىقتى الەۋمەتتىك قورعاۋ مينيسترلىگىنىڭ ەرەكشە باقىلاۋىندا.

وسى جىلدىڭ العاشقى بەس ايىندا مەملەكەتتىك ەڭبەك ينسپەكتورلارى 2 381 تەكسەرۋ جۇرگىزىپ, 2 941 قۇقىقبۇزۋشىلىقتى انىقتادى. ونىڭ ىشىندە:

• ەڭبەك قاتىناستارى سالاسىندا – 2 428;

• ەڭبەك قاۋىپسىزدىگى جانە ەڭبەكتى قورعاۋ باعىتىندا – 496;

• حالىقتى جۇمىسپەن قامتۋ سالاسىندا – 17.

جالپى العاندا, قابىلدانعان شارالاردىڭ ارقاسىندا 17,2 مىڭ جۇمىسكەردىڭ ەڭبەك قۇقىقتارى قورعالدى.