فوتو: جوعارعى سوت
سوت كىنالىلەرگە اۋىر جازا تاعايىنداپ, تۇسىنىكتەمە بەردى.
سوت بارلىق ۇسىنىلعان دالەلدەمەلەردى زەرتتەپ, سوتتالۋشىلاردىڭ تاعىلعان ايىپ بويىنشا كىنالەرى تولىق دالەلدەنگەن دەگەن تۇجىرىمعا كەلدى.
جابىرلەنۋشىلەردىڭ, كۋالەردىڭ ايعاقتارى, وقيعا ورنىنان الىنعان بەينەجازبالار بار, زاتتاي دالەلدەمەلەر الىنعان, قاجەتتى ساراپتامالاردىڭ بارلىعى وتكىزىلگەن.
جوعارعى سوت ولاردىڭ شىنايىلىعىندا كۇمان جوق ەكەنىن اتاپ ءوتتى.
بۇل دالەلدەمەلەر سوتتالۋشىلاردىڭ ارقايسىنىڭ ارەكەتىن ايقىن انىقتاۋعا مۇمكىندىك بەرەدى.
شىناسىلدىڭ ناقتى شەرزات پولاتقا, ونىڭ ولىمىنە الىپ كەلگەن پىشاق جاراقاتىن كەلتىرگەنى, مەديتسينالىق-كريميناليستىك ساراپتاما قورىتىندىسىمەن بەكىتىلگەن.
ساراپتاما شىناسىلدان الىنعان پىشاقپەن (پىشاق ءجۇزىنىڭ سيپاتتاماسىمەن) جاراقات كەلتىرىلگەنىن كورسەتتى.
پىشاق شىناسىل كورسەتكەن جەردەن, ورمان القابىنان الىنعان. تەرگەۋ كەزىندە شىناسىل كىناسىن مويىنداپ ايعاق بەرگەن.
وسى ورايدا, باسقا سوتتالۋشىلاردىڭ ارەكەتتەرى سالدارىنان شەرزات پولاتقا جەڭىل دارەجەلى زيان كەلتىرىلگەن. بۇل دا ساراپتاما قورىتىندىسىمەن راستالعان.
«زاڭ بويىنشا ادام ءولتىرۋدى ادامدار توبىمەن جاسالعان دەپ, ەگەر ول ەكى نەمەسە ودان دا كوپ تۇلعالاردىڭ بىرلەسىپ جاساعان ارەكەتتەرىمەن جاسالعان كەزدە تانىلادى.
ءولىمنىڭ سەبەبى ءبىر پىشاق سوققىسىنان بولعان جانە ونى شىناسىل جاساعان. سايكەسىنشە, ول ادام ءولتىرۋ بويىنشا كىنالى دەپ تانىلعان.
بۇزاقىلىق زاڭ بويىنشا بارىنشا ارسىزدىقپەن ەرەكشەلەنەتiن, كۇش قولدانۋمەن, سونىڭ ىشىندە جەڭىل دارەجەلى دەنساۋلىققا زيان كەلتىرۋمەن ۇشتاسقان, قوعامدىق ءتارتىپتى اسا قاتىگەزدىكپەن بۇزۋ بولىپ تانىلادى.
سوندىقتان جابىرلەنۋشىلەردىڭ دەنساۋلىعىنا, سونىڭ ىشىندە پولاتقا, جەڭىل دارەجەلى زيان كەلتىرگەن سوتتالۋشىلاردىڭ ارەكەتتەرى بۇزاقىلىق رەتىندە سارالانعان», دەلىنگەن جوعارعى سوت حابارلاماسىندا.
شەرزات پولاتقا سوققىلار كەلتىرگەن بەلعوجاەۆ پەن يلياسوۆتىڭ قولدارىندا پىشاق جانە وقتالعان مىلتىق بولعانىن ەسكەرۋ قاجەت, ياعني ولار جابىرلەنۋشىنى سول پىشاقتىڭ جۇزىمەن ۇرىپ جانە مىلتىقپەن اتۋعا مۇمكىنشىلىكتەرى بولعان, بىراق ولار پىشاقتىڭ سابىمەن جانە مىلتىقتىڭ تۇبىمەن ۇرعانى انىقتالدى.
جازا تاعايىنداۋ كەزىندە سوت قك-ءنىڭ 53-بابىندا قارالعان جەڭىلدەتەتىن ءمان-جايلاردى تەك ازامات جانە نۇربول توقتاۋباەۆتاردا, كالياحمەتتە (بۇل جاس بالالارىنىڭ بولۋىن) جانە ىسقاقتىڭ كامەلەتكە تولماعانىن ەسكەردى.
سونداي اق, بارلىق سوتتالۋشىلاردا, كامەلەتكە تولماعاننان باسقا, اۋىرلاتاتىن ءمان-جاي رەتىندە الكوگولدەن ماساڭ كۇيدە بولۋى تانىلعان.
سونىمەن قاتار سوت سوتتالۋشىلاردىڭ جەكە باسىن, ولاردىڭ ءبىر بولىگىنىڭ بۇرىن سوتتى بولعاندارىن ەسكەرگەن.
«اتاپ ايتقاندا, ازامات توقتاۋباەۆ پەن نۇرقياس يلياسوۆكە بۇرىنعى سوتتىلىقتارىنىڭ وتەلمەگەن جازالارىن ەسكەرىپ, 15 جانە 9 جىلعا باس بوستاندىعىنان ايىرۋ جازاسى تاعايىندالدى. بۇل مەرزىمدەر, جوعارعى شەگىنە جاقىن.
بۇزاقىلىق بويىنشا باسقا كىنالىلەرگە زاڭمەن بەلگىلەنگەن جوعارعى مەرزىمدەر - 7 جىلعا باس بوستاندىعىنان ايىرۋ جازاسى تاعايىندالدى.
كەلتىرىلگەن مورالدىق زياندى وتەۋ ءۇشىن جاقىن تۋىستارىنىڭ كوزىنشە اسا اۋىر قىلمىس جاساعانى ەسكەرىلىپ, شىناسىلدان 60 ميلليون تەڭگە, ساكيەۆتەن 30 ميلليون تەڭگە ءوندىرىلدى.
باسقا سوتتالعاندار مەن ساكيەۆتەن بۇزاقىلىق جاساعانى ءۇشىن بىرلەسىپ, 30 ميلليون تەڭگە ءوندىرىلدى», دەلىنگەن جوعارعى سوت حابارلاماسىندا.
جابىرلەنۋشىلەر كامەلەتكە تولماعان ى-عا قاتىستى ازاماتتىق تالاپپەن ارىزدانباعان.
بۇدان بولەك, سوتپەن كۋالەر د.ا.جاقسىگەلدى, ە.ك.نۋربەكوۆا, ا.م.كازاكەنوۆ, يۋ.د.رۋزباكيەۆتىڭ ارەكەتتەرىندە بولۋى مۇمكىن قىلمىس قۇرامىنا پروكۋروردىڭ نازارىن اۋدارۋ تۋرالى جەكەشە قاۋلى شىعارىلدى.
ولاردىڭ كىناسىنىڭ دارەجەسىن قۇقىق قورعاۋ ورگاندارى انىقتاۋ قاجەت.
اتالعان سوت تالقىلاۋى باق وكىلدەرىنىڭ قاتىسۋىمەن تولىق اشىق وتكەنىن اتاپ كەتۋ قاجەت. بارلىق سوت وتىرىستارى جۇرتشىلىق تاراپىنان جوعارى نازار اۋدارۋ جاعدايىندا تىكەلەي ەفيردە كورسەتىلدى.
بۇعان قاراماستان سوت تەك قانا زاڭ نورمالارىنا جانە ادىلدىك ءپرينتسيپىن باسشىلىققا الا وتىرىپ, بەيتاراپتىلىقتى ۇستاندى.
