سوتتىڭ انىقتاعانى
سوتتىڭ انىقتاعانى بويىنشا, 2024 جىلدىڭ 4 قازانىندا د. اسكەنتاي مەن ش. پولاتتىڭ اراسىندا ش. پولاتتىڭ اكەسى ق. نۇرىموۆقا دورەكىلىك تانىتتى دەگەن سەبەپپەن جانجال تۋىنداعان. جانجال بارىسىندا پولات اسكەنتايدىڭ بەتىنە بىرنەشە مارتە سوققى جۇمساعان.
بۇدان كەيىن اسكەنتاي تەلەفون ارقىلى ءوزىنىڭ دوسى – سوتتالۋشى ن.توقتاۋباەۆتى شاقىرادى, ول دۇكەنگە كامەلەت جاسقا تولماعان ى.-نىڭ باسقارۋىنداعى ماشينامەن كەلگەن. توقتاۋباەۆ كەلە سالىسىمەن ءوزىنىڭ تانىسى – سوتتالۋشى ش. بەلگوجاەۆتى شاقىرعان.
ءوز كەزەگىندە, نۇرىموۆ ءوزىنىڭ تۋعان ءىنىسى ن.گايپباەۆتى, ال ونىڭ ۇلى پولات كامەلەت جاسقا تولماعان دوستارىن (2006 ج.ت. م.-نى, 2008 ج.ت. م.-نى جانە 2007 ج.ت. م.-نى) شاقىرعان.
ارادا 10-15 مينۋت وتكەن سوڭ وقيعا ورنىنا سوتتالۋشىلار ا.توقتاۋباەۆ, ن. يلياسوۆ, ر. ساكيەۆ, ش.بەلگوجاەۆ, ا.شىناسىل, ودان باسقا د. جاقسىگەلدى مەن ە.نۇربەكوۆا كەلگەن. بۇلاردان باسقا, دۇكەننىڭ ماڭىنا د. قالياحمەت, س.ابدىقادىر مەن د. مۇراتوۆ تا كەلگەن.
سوتتىڭ انىقتاعان دەرەكتەرىنە سايكەس, ءارى قاراي, اتالعان ادامداردىڭ اراسىندا ورىن العان ەرەگىس توپتىق توبەلەسكە ۇلاسقان.
«كيكىلجىڭ كەزىندە, شىناسىل كامەلەت جاسقا تولماعان 2006 ج.ت. م.-نىڭ جاق تۇسىنان ءبىر سوققى جاسايدى (دەنساۋلىعىنا جەڭىل زيان كەلتىرىلگەن), ساكيەۆ گايپوۆتىڭ بەتىنە ءبىر سوققى جاسايدى. كالياحمەت تە گايپباەۆقا سوققى جاساۋعا ارەكەتتەنگەن كەزدە, ا.توقتاۋباەۆ پەن ن.يلياسوۆ گايپباەۆقا قارسى پىشاقتارىمەن قول بۇلعايدى. ا.توقتاۋباەۆ نۇرىموۆتىڭ جەلكە تۇسىنان تاسپەن ۇرادى, شىناسىل كاديروۆانى (پولاتتىڭ اجەسى) يتەرىپ جىبەرەدى», دەلىنگەن حابارلامادا.
توبەلەس كەزىندە شىناسىل كامەلەت جاسقا تولماعان شەرزات پولاتتىڭ كەۋدە تۇسىنىڭ سول جاعىنا ءبىر رەت پىشاق سۇعىپ الادى. ايتا كەتەيىك, 2024 جىلعى 11 قاڭتارداعى №173 ساراپتامانىڭ قورىتىندىسىنا سايكەس, شىناسىلدىڭ پىشاق سوققىسى شەرزات پولاتتىڭ ولىمىنە سەبەپ بولعان.
بۇدان كەيىن, شىناسىل مەن ساكيەۆ گايپباەۆتىڭ وڭ جاق جامباسىنىڭ تۇسىنا پىشاقپەن سۇعىلمالى-كەسىلگەن جاراقات كەلتىرەدى. يلياسوۆ گايپباەۆتى مىلتىقتىڭ دىڭىمەن ۇرىپ تاستايدى, سونداي-اق گ. بەيشەمبيەۆانىڭ (اناسى) وڭ جاق قولىنىڭ تۇسىنان سوققى جاسايدى (دەنساۋلىعىنا جەڭىل دارەجەدەگى زيان كەلتىرىلگەن).
كۇدىكتى اسكەنتاي, ن. توقتاۋباەۆ, بەلگوجاەۆ, يلياسوۆ, ساكيەۆ, شىناسىل توپ بولىپ گايپباەۆ پەن پولاتقا قول-اياعىمەن سوققىلار جاساپ, جاراقاتتار كەلتىرگەن (دەنساۋلىقتارىنا جەڭىل دارەجەدەگى زيان كەلتىرىلگەن).
بۇدان باسقا, ا.توقتاۋباەۆ وقيعا ورنىنان گايپباەۆتىڭ ۇيالى تەلەفونىن ۇرلاعان. شىناسىلدىڭ پىشاق سۇعىپ العان ارەكەتتەرىنىڭ سالدارىنان كەلتىرىلگەن جاراقاتتاردىڭ ناتيجەسىندە پولات تالعار قالاسىنىڭ ورتالىق اۋداندىق اۋرۋحاناسىندا كوز جۇمعان.
قالعان جابىرلەنۋشىلەردىڭ دەنساۋلىقتارىنا جەڭىل دارەجەدەگى زيان كەلتىرىلگەن. كامەلەت جاسقا تولماعان ى., وقيعا ورنىندا بولا تۇرا, بولعان جاعدايلاردى باقىلاپ وتىرعان. شىناسىلدىڭ پىشاقتار مەن قارۋدى ءسۇرتىپ جاتقانىن كورگەن.
سوتتىڭ ايتۋىنشا, سوتتالۋشىلاردىڭ كىناسى دالەلدەمەلەردىڭ جيىنتىعىمەن, ياعني جابىرلەنۋشىلەردىڭ جاۋاپتارىمەن, كۋالاردىڭ جاۋاپتارىمەن, سوت ساراپتامالارىنىڭ قورىتىندىلارىمەن, بەينەجازبالارمەن, زاتتاي دالەلدەمەلەرمەن بەكيدى.
تاراپتاردىڭ ۇستانىمى
پروكۋرور سوتتالۋشىلاردى تاعىلعان ايىپتار بويىنشا كىنالى دەپ تانىپ, ولارعا سايكەسىنشە مەرزىمدەرگە باس بوستاندىعىنان ايىرۋ تۇرىندەگى جازا تاعايىنداۋدى سۇرادى.
جابىرلەنۋشىلەر مەن ولاردىڭ وكىلدەرى بارىنشا قاتال جازا تاعايىنداۋدى سۇرادى.
سوتتالۋشىلار كىنالارىن جارتىلاي مويىنداپ, ولاردىڭ ءىس-ارەكەتتەرىن جەڭىلىرەك قىلمىس قۇرامىنا قايتا سارالاۋدى سۇرادى.
ايتا كەتەيىك, بۇگىن الماتى وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى شەرزات بولاتتىڭ ءىسى بويىنشا قىلمىس جاساعان توعىز ادامعا قاتىستى ۇكىم شىعاردى.
