فوتو: اشىق دەرەككوز
قايعىلى وقيعا وتكەن جىلى تامىز ايىندا تىركەلگەن. «تورپەدو» جاستار كومانداسىنىڭ قاقپاشىسى يۆان پىلەنوك ءوزىن ناشار سەزىنگەننەن كەيىن اۋرۋحاناعا جەتكىزىلگەنىمەن, قايتىس بولدى. العاشقىدا وقيعا جايلى تەك رەسمي اقپاراتتار جاريالانسا, كوپ ۇزاماي الەۋمەتتىك جەلىلەردە يۆاننىڭ نەگىزگى قۇرام ويىنشىسى اندرەي لاگۋنوۆپەن قاقتىعىسىپ قالعانى كورسەتىلگەن بەينەجازبا تارادى.
مارقۇمنىڭ اتا-اناسى بالاسىنىڭ ولىمىنە لاگۋنوۆتى كىنالاپ, ونى قاماۋعا الۋدى تالاپ ەتتى. العاشىندا سپورتشىعا ەشقايدا كەتپەۋ تۋرالى قولحاتپەن بۇلتارتپاۋ شاراسى قولدانىلعان بولاتىن. الايدا جاقىندا وتكەن سوت وتىرىسىندا پىلەنوكتىڭ اتا-اناسىنىڭ ادۆوكاتىنىڭ وتىنىشىمەن لاگۋنوۆقا قاتىستى بۇل شارا ۇيقاماققا اۋىستىرىلدى.
سوت قاۋلىسىندا:
«قىلمىستىق كودەكستىڭ 389-بابىنىڭ 4-بولىگىندە كوزدەلگەن قىلمىستىق قۇقىقبۇزۋشىلىق جاسادى دەپ ايىپتالعان لاگۋنوۆقا قاتىستى بۇرىن تاڭدالعان بۇلتارتپاۋ شاراسى ءىس قارالۋ مەرزىمى اياقتالعانعا دەيىن, بىراق التى ايدان اسپايتىن مەرزىمگە ۇيقاماققا وزگەرتىلسىن», دەلىنگەن.
ايتا كەتەيىك, لاگۋنوۆ قىلمىستىق كودەكستىڭ 389-بابى 4-بولىگى — ء«وزىن-ءوزى باسقارۋ, اۋىر زارداپتارعا اكەلگەن جاعدايدا» بويىنشا كۇدىككە ءىلىندى. بۇل باپ ءۇش جىلدان جەتى جىلعا دەيىن باس بوستاندىعىنان ايىرۋدى كوزدەيدى.
قازىرگى ۋاقىتتا ءىستىڭ بارلىق ءمان-جايى انىقتالىپ جاتىر. تەرگەۋ جالعاسۋدا.
جانەل تولەۋبەكوۆا, ەۇۋ ستۋدەنتى
