قاناعاڭ زايىبىنىڭ ميكروسكوبى

قازىرگى ۋاقىتتى اكادەميك ق.ي.ساتباەۆتىڭ باياناۋىل مەموريالدىق مۋزەيىنىڭ قورىندا بارلىعى 3 749, ونىڭ ىشىندە نەگىزگى قوردا 2 087 جادىگەر بار. جادى­گەرلەردىڭ كوبى كىتاپتار مەن كارتينالار.

– مۋزەيىمىز مەموريالدىق, ياعني جەكە تۇلعانىڭ اتىندا بولعاندىقتان, عالىمنىڭ قولى تيگەن, ءوزى ۇستاعان زاتتارىنىڭ بۇل كۇندە كەلۋى وتە از. سوعان قاراماستان مۋزەي ۇجىمى عۇلا­مانىڭ تۋىستارى مەن كوزىن كورگەن ادامدارعا حابارلاسىپ, ۇنەمى تىڭ دەرەكتەر مەن جادىگەرلەردى ىزدەپ تاۋىپ, مۋزەيگە اكەلىپ جاتىر. جۋىقتا مۋزەيىمىزدىڭ باسشىسى قايىرگەلدى ابىلعازين استانا قالاسىنا بارعان ساپارىندا قانىش يمانتاي ۇلىنىڭ جۇبايى تايسيا ساتباەۆانىڭ جۇمىستا قولدانعان ميكروسكوبىن الىپ كەلدى. اتالعان قۇندى جادىگەردى مەيىز سات­باەۆانىڭ پەرزەنتى, گەولوگ عالىم الەكساندر ترەتياكوۆ سىيعا تارتىپتى,  – دەيدى مۋزەيدىڭ قور ساقتاۋشى مامانى سانسىزباي ساپاعارعاليەۆ.

ميكروسكوپ 1961 جىلى جاسالعان, ت.ساتباەۆا ونى ءوز جۇمىسىندا, گەو­لوگيالىق زەرتتەۋلەر جۇرگىزگەن كەزدە قولدانعان ەكەن. كەيىن قىزى, گەولوگيا-مينەرولوگيا عىلىمدارىنىڭ دوكتورى, عالىم مەيىز قانىشقىزى قولدانىپتى. جادىگەر مۋزەيدەگى ەكسپوزيتسيالىق زالعا ورنالاستىرىلدى.

پاۆلودار وبلىسى,

باياناۋىل اۋدانى