ەفير سپيكەرلەرى:
• دامير سەيسەمبەك – قر ءتسدياوم تەلەكوممۋنيكاتسيالار كوميتەتىنىڭ توراعاسى
• ولجاس كابەنوۆ – قر ءتسدياوم تەلەكوممۋنيكاتسيالار كوميتەتى توراعاسىنىڭ ورىنباسارى
• دياس تولەگەنوۆ – قر ءتسدياوم تەلەكوممۋنيكاتسيالار كوميتەتى سىمسىز بايلانىس جوبالارىن مونيتورينگتەۋ جانە دامىتۋ باسقارماسىنىڭ باسشىسى
تىكەلەي ەفيردە قويىلعان وزەكتى سۇراقتار مەن جاۋاپتار
IMEI-كودتاردى ۆەريفيكاتسيالاۋ نە ءۇشىن قاجەت؟
نارىقتى سۇر اينالىمنان تازارتۋ, تۇتىنۋشىلاردى الاياقتىقتان قورعاۋ جانە مەملەكەتتىك بيۋدجەت كىرىسىن ارتتىرۋ ماقساتىندا. 25 ناۋرىز بەن 25 مامىر ارالىعىندا, رەسمي پورتالادا 12 ميلليوننان استام قۇرىلعى تىركەلدى.
ۆەريفيكاتسيا ءۇشىن كىم تولەم جاسايدى؟
جەكە تۇلعالار ءۇشىن قىزمەت تەگىن. جەكە پايدالانۋ ماقساتىندا جىلىنا نەمەسە ايىنا (ەلگە بايلانىستى) 2 قۇرىلعىعا دەيىن تەگىن تىركەۋگە بولادى. تولەم – زاڭدى تۇلعالار تاراپىنان, ياعني ساتۋشىلاردان الىنادى.
قىزمەتتى نەگە مەملەكەت ەمەس, جەكە كومپانيا كورسەتەدى؟
جەكە سەكتور جۇيەنى بيۋدجەت شىعىنىنسىز جەدەل ىسكە اسىرۋعا مۇمكىندىك بەرەدى. مەملەكەت تاراپىنان جۇيە تولىق باقىلاۋدا.
1 اەك (3 932 تەڭگە) كولەمىندەگى قىزمەت قۇنى قالاي بولىنەدى؟
• 40% — ليتسەنزيالار مەن تەحنيكالىق قولداۋ
• 30% — سالىقتار مەن الەۋمەتتىك اۋدارىمدار
• 20% — جابدىق پەن ينتەگراتسيالىق شىعىندار
• 10% — جۇيەنى دامىتۋ جانە جاڭعىرتۋ
نەگە ءتاريفتى مەملەكەت رەتتەمەيدى؟
بۇل – سالىق نەمەسە الىم ەمەس, تەحنيكالىق قىزمەت. باعا زاڭدى تۇلعالار اراسىنداعى كەلىسىممەن قالىپتاسادى.
جۇيەگە باقىلاۋ قالاي جۇزەگە اسىرىلادى؟
«مەملەكەتتىك راديوجيىلىك قىزمەتى» جۇيەنىڭ جۇمىسىن كۇندەلىكتى باقىلاپ, اقپاراتتىق قاۋىپسىزدىككە قاتىستى بارلىق وقيعالار بويىنشا ەسەپ الىپ وتىرادى. سونىمەن قاتار جوسپارلى جانە جوسپاردان تىس اۋديتتەر جۇرگىزىلەدى.
وپەراتور قالاي تاڭدالدى؟
وپەراتور اشىق باسەكەلەستىك نەگىزىندە, ارنايى بىلىكتىلىك تالاپتارىنا ساي تاڭدالدى. تاڭداۋ پروتسەسى جالعاسۋدا — نارىق باسقا وپەراتورلارعا دا اشىق.
