فوتو: قر قورعانىس مينيسترلىگى
سالتاناتتى شارا بارىسىندا قورعانىس ءمينيسترىنىڭ ورىنباسارى گەنەرال-مايور شايح-حاسان جازىقباەۆ اسكەري دايارلىقتا ۇزدىك دەپ تانىلعان ساربازداردى قۇتتىقتاپ, 2024 جىلعى كوكتەمدە شاقىرىلعان جانە قىزمەتىن اياقتاعان 22 ساربازعا وقۋ سەرتيفيكاتتارىن تابىستادى.
جاڭا باستاما – مەملەكەتتىك قولداۋ تەتىگى رەتىندە ۇبت تاپسىرماي-اق جوعارى وقۋ ورىندارىنا ءتۇسۋ مۇمكىندىگىن ۇسىنادى. بۇل – اسكەري قىزمەتكە ىنتالاندىرۋ, جاستاردى قولداۋ جانە ولاردىڭ كاسىبي دامۋىنا جاعداي جاساۋعا باعىتتالعان ماڭىزدى قادام.
17 500-دەن استام سارباز بايقاۋعا قاتىسىپ, ىرىكتەۋ قورىتىندىسى بويىنشا ۇزدىكتەر گرانت يەگەرى اتاندى. ولاردىڭ قاتارىندا قر قارۋلى كۇشتەرى, مەملەكەتتىك كۇزەت قىزمەتى, توتەنشە جاعدايلار مينيسترلىگى, ۇقك شەكارا قىزمەتى جانە ۇلتتىق ۇلاننىڭ اسكەري بولىمدەرىندە قىزمەت ەتكەن ازاماتتار بار.
Sarbaz 2.0 اقپاراتتىق جۇيەسى ارقىلى ىرىكتەۋ ءادىل جانە اشىق تۇردە ءوتتى. بۇل جۇيەدە ساربازداردىڭ وقۋ جەتىستىكتەرى مەن ءتارتىبى تۋرالى مالىمەتتەر تىركەلەدى.
گرانت يەگەرلەرى ەندى تەك تەگىن وقۋمەن شەكتەلمەي, سونىمەن قاتار ستيپەنديا, تەگىن جاتاقحانا جانە اسكەري كافەدراعا ەمتيحانسىز قابىلدانۋ مۇمكىندىكتەرىنە يە بولدى.
بولىنگەن گرانتتار:
• 2010 ورىن – ازاماتتىق جوعارى وقۋ ورىندارىنا
• 253 ورىن – قورعانىس مينيسترلىگىنىڭ اسكەري ينستيتۋتتارىنا
• 36 ورىن – ۇلتتىق ۇلان اكادەمياسىنا
• 12 ورىن – ۇقك شەكارا قىزمەتى اكادەمياسىنا
• 3 ورىن – توتەنشە جاعدايلار مينيسترلىگىنىڭ وقۋ ورنىنا
سالتاناتتى راسىمدە ءسوز العان اسكەري بورىشىن اۋە قورعانىس كۇشتەرىنىڭ 44813 اسكەري بولىمىندە وتەگەن ۆلاديسلاۆ ۆنۋكوۆسكي:
«قازاقستان رەسپۋبليكاسىنىڭ قارۋلى كۇشتەرىندەگى قىزمەت مەن ءۇشىن ەرلىك, ءتارتىپ پەن توزىمدىلىكتىڭ مەكتەبى عانا ەمەس, كوماندالىق جۇمىستى مەڭگەرگەن ەرەكشە كەزەڭ بولدى. بۇگىن مەن كەز كەلگەن قازاقستاندىق جوو-عا وقۋ سەرتيفيكاتىن الىپ, اكەمنىڭ جولىن جالعاستىرىپ, اۋە قورعانىس كۇشتەرىنىڭ اسكەري ينستيتۋتىنا ءتۇسىپ, وفيتسەر رەتىندە قىزمەتىمدى جالعاستىرۋدى شەشتىم», دەدى ول.
شاراعا ساربازداردىڭ اتا-انالارى مەن ارميانىڭ ارقاسىندا جوعارى وقۋ ورىندارىنا تۇسكەن ستۋدەنتتەر دە قاتىسىپ, ءوز وقيعالارىمەن ءبولىستى.
ارايلىم مىرزاحان, ەۇۋ 2 كۋرس ستۋدەنتى
