فوتو: ORTCOM.KZ
ەلىمىز بويىنشا ۇيىمداستىرىلعان جالپى 45 مىڭنان استام ءتۇرلى ءىس-شارالارعا 5,6 ميلليوننان استام بالا قاتىسقان.
بالالار تاقىرىبىنا ارنالعان 2 مىڭنان استام ماتەريال رەسپۋبليكالىق جانە وڭىرلىك تەلەارنالار مەن باسىلىمداردا جاريالانعان. كوپتەگەن بالالار جاڭالىقتار مەن باعدارلامالاردىڭ كەيىپكەرلەرى, جۇرگىزۋشىلەرى مەن قوناقتارى بولدى. الەۋمەتتىك جەلىلەردە #قازاقستانبالالارى حەشتەگىمەن 100 مىڭعا جۋىق جازبا جاريالانعان.
ونكۇندىكتىڭ جارقىن ساتتەرىنىڭ ءبىرى – بالالاردىڭ اقورداعا, وقۋ-اعارتۋ مينيسترلىگىنە ەكسكۋرسياسى مەن «مينيسترگە حات» اكتسياسى بولدى.
بارلىق وڭىردە بالالار مەن اكىمدەر, اكىم ورىنباسارلارى اراسىندا كەزدەسۋلەر ءوتتى. اۋىلدار مەن قالالاردا مادەني, ءبىلىم بەرۋ جانە قايىرىمدىلىق شارالارى ۇيىمداستىرىلىپ, فەستيۆالدەر, شەبەرلىك ساعاتتارى, اشىق ساباقتار, كينوتەاترلاردا, تەاترلار مەن مۇراجايلاردا تەگىن كورسەتىلىمدەر ءوتتى. جاڭا ءبىلىم بەرۋ نىساندارى پايدالانۋعا بەرىلدى.
