پرەمەر-مينيستر ورىنباسارى ەرمەك كوشەرباەۆ پەن وبلىس اكىمى نۇرلىبەك نالىباەۆ جينالعانداردى جاڭا ءبىلىم وشاعىنىڭ اشىلۋىمەن قۇتتىقتادى.
وبلىستا سوڭعى 3 جىلدا ءبىلىم بەرۋ سالاسىنا بولىنگەن قارجى كولەمى 304 ملرد 600 ملن تەڭگەگە جەتىپ, 32 پايىزعا ارتقان. بالالاردىڭ ءبىلىم الۋىنا قولايلى جاعداي جاساپ, جايلى ورتا قالىپتاستىرۋ ءۇشىن 2023 جىلى قىزىلوردا قالاسىنداعى 4 مەكتەپكە 1 850 ورىندىق قوسىمشا قۇرىلىس سالىنىپ, ءۇش اۋىسىمدىق مەكتەپتەر ماسەلەسى تۇبەگەيلى شەشىمىن تاپتى.
سالتاناتقا ارنايى قاتىسقان مەملەكەتتىك سىيلىقتىڭ يەگەرى, فيزيكا-ماتەماتيكا عىلىمدارىنىڭ دوكتورى, قازاقستاننىڭ ەڭبەك ەرى اسقار جۇمادىلداەۆ بىلىمگە بەت بۇرعان قوعامنىڭ الار بيىگى بولەك بولاتىنىن ايتتى.
وڭىردەگى عىلىم مەن تەحنولوگيا سالاسىنا بەيىمدەلگەن دارىندى وقۋشىلارعا ءبىلىم بەرەتىن مەكتەپ زاماناۋي جابدىقتارمەن قامتاماسىز ەتىلىپ, بالالاردىڭ الاڭسىز وقۋىنا بار جاعداي جاسالعان.
نىساندى سالعان قۇرىلىسشىلار مەن ءبىلىم سالاسى قىزمەتكەرلەرى وبلىس اكىمىنىڭ العىس حاتىمەن ماراپاتتالدى.
وسى كۇنى قىزىلوردا قالاسىندا ۇكىمەت باسشىسى ورىنباسارىنىڭ قاتىسۋىمەن مۋزىكالىق كوللەدج بەن وبلىستىق تاريحي-ولكەتانۋ مۋزەيىنىڭ جاڭا عيماراتى اشىلىپ, قايتا جاڭعىرتىلعان مادەني جانە دەمالىس پاركى پايدالانۋعا بەرىلدى.
