فوتو: egemen.kz|ەرلان ومار
بۇل تۋرالى وقۋ-اعارتۋ مينيسترلىگىنىڭ وكىلدەرى بالالاردى قورعاۋ كۇنىنە ورايلاستىرىلعان ورتالىق كوممۋنيكاتسيالار قىزمەتىندە وتكەن دوڭگەلەك ۇستەلدە مالىمدەدى.
وسى باعىتتاعى جۇمىس بالا قۇقىقتارى جونىندەگى ۋاكىل, پارلامەنت دەپۋتاتتارى جانە ازاماتتىق قوعام وكىلدەرىنىڭ بەلسەندى قاتىسۋىمەن جۇرگىزىلىپ جاتىر.
«بۇل مەملەكەتتىڭ, اتا-انالاردىڭ, پەداگوگتەردىڭ, دارىگەرلەردىڭ, الەۋمەتتىك قىزمەتتەر مەن ۇەۇ وكىلدەرىنىڭ كۇش-جىگەرىن بىرىكتىرەتىن قازاقستانداعى العاشقى كەشەندى باعدارلاما بولادى. قازىر ءبىز بالالىق شاقتى قورعاۋ سالاسىندا جاسالعان بارلىق ءىستى - نورماتيۆتىك قۇجاتتاردان باستاپ ناقتى جاعدايلارعا دەيىن - نەنىڭ ءتيىمدى ەكەنىن جانە قاي تۇستارىن قايتا قاراۋدى قاجەت ەتەتىنىن ءتۇسىنۋ ءۇشىن مۇقيات تالداپ جاتىرمىز. سونداي-اق ستاتيستيكانى زەرتتەيمىز, سەبەبى ءاربىر ساننىڭ ارتىندا بالانىڭ تاعدىرى تۇر», دەدى وقۋ-اعارتۋ ۆيتسە-ءمينيسترى ەدىل وسپان.
