فوتو: gov.kz
شەتەلدەن جۇمىس كۇشىن تارتۋعا بولاتىن مىناداي ساناتتار بار: باسشىلار مەن ولاردىڭ ورىنباسارلارى ءۇشىن 567 رۇقسات ء(بىرىنشى سانات), قۇرىلىمدىق بولىمشەلەردىڭ باسشىلارى ءۇشىن 2 379 رۇقسات (ەكىنشى سانات). تارتىلعان شەتەل جۇمىس كۇشىن (شجك) نەگىزگى بولىگى ءۇشىنشى (ماماندار) جانە ءتورتىنشى (بىلىكتى جۇمىسشىلار) ساناتتارعا جاتادى – تيىسىنشە ولاردىڭ سانى - 4 392 جانە 1 037 ادام. سونداي-اق ماۋسىمدىق جۇمىستارعا 2 271 ادام, ال كورپوراتيۆتىك اۋىستىرۋ اياسىندا 3 637 ادام تارتىلعان.
قازىر ەلىمىزدە شجك پايدالاناتىن 1 808 جۇمىس بەرۋشى تىركەلگەن.
ەكونوميكالىق قىزمەت تۇرلەرى بويىنشا ەڭ كوپ جۇمىس ىستەيتىندەر قۇرىلىس سالاسىندا – 5 027 ادام, اۋىل, ورمان جانە بالىق شارۋاشىلىعى – 2 271 ادام, تاۋ – كەن ونەركاسىبى جانە كارەرلەردى قازۋ – 1 329 ادام, وڭدەۋ ونەركاسىبى – 1 252 ادام.
ال ەڭبەك ميگرانتتارى كەلەتىن نەگىزگى ەلدەر قاتارىندا قىتاي ( 5 054 ادام), وزبەكستان (1 926 ادام), تۇركيا (1 079 ادام), ءۇندىستان (1 078 ادام) بار.
ىشكى ەڭبەك نارىعىن قورعاۋ ماقساتىندا ەڭبەك جانە حالىقتى الەۋمەتتىك قورعاۋ مينيسترلىگى جىل سايىن رەسپۋبليكاعا شەتەل ماماندارىن تارتۋعا كۆوتا بەلگىلەيتىنىن جانە بولەتىنىن مالىمدەدى. 2025 جىلى جالپى كۆوتا رەسپۋبليكاداعى جۇمىس كۇشىنىڭ سانىنا قاتىستى 0,2% مولشەرىندە نەمەسە 14,8 مىڭ بىرلىك بولىپ بەلگىلەنگەن. ال وسى جىلدىڭ ناۋرىز ايىنان باستاپ بۇل كورسەتكىش جەرگىلىكتى اتقارۋشى ورگانداردىڭ وتىنىمدەرىنە بايلانىستى سالا ءمينيسترىنىڭ بۇيرىعىمەن 16,5 مىڭ بىرلىككە دەيىن ۇلعايتىلعان.
